Вы тут

Мясніковіч сустрэўся на мінулым тыдні з Паслом Германіі ў Беларусі Хутэрэрам


Як паведамляе прэс-служба верхняй палаты парламента, бакі абмеркавалі пытанні гандлёва-эканамічнага супрацоўніцтва. Беларусь разглядае Германію як ключавога партнёра ў Еўрапейскім саюзе, падкрэсліў Міхаіл Мясніковіч. Ён адзначыў станоўчую дынаміку развіцця двухбаковых адносін. Летась тавараабарот паміж краінамі перавысіў тры мільярды долараў. У той жа час сёлета аб'ём узаемнага гандлю скараціўся да ўзроўню аналагічнага перыяду мінулага года. «Гандаль «прасеў», нам трэба шукаць рэзервы для яго нарошчвання, і яны ёсць», — упэўнены старшыня Савета Рэспублікі.


Фота: sovrep.gov.by

Перш за ўсё — гэта інвестыцыйнае супрацоўніцтва. Беларусь разлічвае на больш актыўнае партнёрства з кампаніямі Германіі ў сферах, якія ўяўляюць узаемную цікавасць. Міхаіл Мясніковіч нагадаў, што камфортныя ўмовы для інвестараў створаны ў Кітайска-беларускім індустрыяльным парку «Вялікі камень».

«У цэлым у нас мала сумесных кампаній, трэба над гэтым працаваць, у тым ліку з прыцягненнем партнёраў з трэціх краін», — прапанаваў ён. У якасці аднаго з перспектыўных кірункаў узаемадзеяння Старшыня Савета Рэспублікі назваў хімічную прамысловасць. Беларусь вырабляе сучасныя палімерныя матэрыялы (валокны і ніткі) і пастаўляе іх у іншыя краіны. «Мы маглі б рабіць з іх ужо гатовую прадукцыю і зацікаўлены супрацоўнічаць з вамі ў гэтай сферы», — сказаў ён. Сумесныя праекты з Беларуссю адкрываюць для нямецкага бізнесу добрыя магчымасці для выхаду на рынкі краін ЕАЭС, нагадаў Міхаіл Мясніковіч. Ён таксама прапанаваў Германіі развіваць узаемадзеянне ў рамках глабальнай ініцыятывы «Адзін пояс, адзін шлях».

Што датычыцца міжпарламенцкага супрацоўніцтва, то за апошнія гады яно прыкметна актывізавалася, працягнуў Міхаіл Мясніковіч. Выніковым ён назваў сёлетні візіт у Мінск, што адбыўся ў чэрвені, дэлегацыі бундэстага на чале з кіраўніком парламенцкай групы дружбы, членам камітэта бундэстага па эканоміцы і энергетыцы Маркам Хаўптманам. «Мы абмяркоўвалі міжрэгіянальнае супрацоўніцтва. Нам, як Палаце рэгіянальнага прадстаўніцтва, хацелася б, каб было больш кантактаў паміж нашымі краінамі на месцах. Трэба ўмацоўваць рэгіянальны напрамак», — падкрэсліў старшыня Савета Рэспублікі.

У сваю чаргу Манфрэд Хутэрэр падтрымаў агучаныя ініцыятывы аб інтэнсіфікацыі інвестыцыйнага супрацоўніцтва. «Нашы адносіны сапраўды на ўздыме, можна сказаць, што адкрылася добрае «акно магчымасцяў», якім мы павінны скарыстацца», — заявіў ён.

На думку пасла, нямецкім кампаніям трэба больш ведаць пра Беларусь. Прапрацоўваецца магчымасць правядзення ў Германіі сумеснага бізнес-форуму, дзе плануецца прэзентаваць інвестыцыйны патэнцыял нашай краіны.

Падчас перагавораў бакі абмеркавалі вынікі праведзенага ў Мінску ў верасні 2019 года Дня нямецкай эканомікі. Манфрэд Хутэрэр таксама паведаміў аб намерах упершыню арганізаваць у Беларусі ў 2020 годзе Дні нямецкай навукі. Міхаіл Мясніковіч гэтую ідэю падтрымаў.

Загаловак у газеце: Кантактаў павінна быць больш

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…