Вы тут

«Кулінарная дыпламатыя» ў рытме самбы


З 12 кастрычніка праграма «Кулінарная дыпламатыя» на тэлеканале «Беларусь 1» пачне выходзіць з новым вядучым — Віталем Водневым. Ён па чарзе са сваёй калегай па праекце Наталляй Рыжанковай будзе знаёміць тэлеаўдыторыю з нацыянальнымі стравамі і культурай розных краін свету.


Гасцямі праграмы ў новым тэлесезоне будуць не толькі паслы замежных дзяржаў у Беларусі, але і беларускія дыпламаты, бізнесмены і дзеячы культуры, якія ствараюць імідж нашай краіны за мяжой і наладжваюць сувязі з партнёрамі. Таксама на кухню тэлепраекта зазірнуць дзеячы з іншых краін, якія «ўпісваюць» часцінку каларыту сваёй радзімы ў беларускую сучаснасць.

Ужо 12 кастрычніка Віталь Воднеў трапіць на сапраўдны бразільскі карнавал эмоцый, калі на кухню «Кулінарнай дыпламатыі» завітае прафесійны інструктар па танцах з Рыа-дэ-Жанэйра Марсія Мандава. Яна з'яўляецца адным з арганізатараў міжнароднага стрыт-арт-фестывалю Vulіca Brasіl у Мінску. Падчас эфіру вядучы з госцяй у рытме самбы прыгатуюць нацыянальную страву Galіnha zambezіana і бразільскі пудынг, а таксама пагавораць пра футбол і серыялы.

— Калі госці ўсміхаюцца і з лёгкасцю ідуць на дыялог, як Марсія, то гісторыі пра іх родныя мясціны атрымліваюцца цікавыя і жывыя, — дзеліцца ўражаннямі Віталь Воднеў і дадае: — Увогуле я даўно марыў працаваць менавіта ў кулінарным праекце. Хоць сам гатую не вельмі часта, але цікаўлюся стравамі розных краін і мне падабаецца быць на кухні ў добрай кампаніі. А ў нас на праекце сабралася якраз такая творчая каманда.

Нагадаем, праграма «Кулінарная дыпламатыя» выходзіць па раніцах у суботу на тэлеканале «Беларусь 1». Праект змяніў графічнае афармленне, а ў хуткім часе новую «ўніформу» прымераць таксама вядучыя і госці праекта.

Алена ДРАПКО

Выбар рэдакцыі

Грамадства

​Дзе прызначалі спатканні ў даваенным Мінску?

​Дзе прызначалі спатканні ў даваенным Мінску?

Атрымаць падказкі вам дапаможа экскурсія «Рамантыка мінскіх дворыкаў».

Культура

Алесь Бадак: Важна знайсці перакладчыка, які цябе зразумее

Алесь Бадак: Важна знайсці перакладчыка, які цябе зразумее

Паэт і празаік Алесь Бадак шмат гадоў працаваў у літаратурных перыядычных выданнях Беларусі, а з 2015 года ўзначальвае выдавецтва «Мастацкая літаратура».