Вы тут

У Беларусі стартуе арт-эстафета БРСМ


10 кастрычніка фестывалем «Мамін дзень» у Мінску Саюз моладзі дае старт рэспубліканскай арт-эстафеце «Слова, першае ў жыцці...»


Мерапрыемствы фестывалю разгорнуцца ў холе ніжняга ўзроўню ГЦ «Сталіца». Тут госці свята змогуць паўдзельнічаць у рабоце хэндмэйд-майстэрняў па вырабе кветак з фаамірану і роспісе печыва, паспаборнічаць у конкурсе «спавівання нованароджаных», абсалютна бясплатна атрымаць у падарунак вясёлую і добрую карцінку ад мастакоў-шаржыстаў і нават адправіць віншавальную паштовую картку любімай маме. Дадатковы каларыт у работу святочнай інтэрактыўнай пляцоўкі прыўнясуць майстры аквагрыму. Для самых юных удзельнікаў фэсту валанцёры руху БРСМ «Добрае Сэрца» падрыхтавалі гульнявую праграму з мноствам актыўнасцяў.

Ганаровыя госці фестывалю — мамы: шматдзетныя, працавітыя, актыўныя, спартыўныя, творчыя. Ім даверана ганаровая місія ўручыць узнагароды маладым талентам падчас урачыстай цырымоніі ўзнагароджання пераможцаў творчага конкурсу БРСМ «Слова, першае ў жыцці...». І менавіта яны стануць гераінямі адкрытага дыялогу «Беларусь і Я», прысвечанага самаму блізкаму і роднаму чалавеку — жанчыне-маці, захавальніцы сямейнага ачага.

Арт-эстафета «Слова, першае ў жыцці...» скіравана на ўмацаванне інстытута мацярынства і павышэнне статусу жанчыны-маці ў грамадстве. Мерапрыемствы праекта будуць доўжыцца да 14 кастрычніка: спартыўныя святы, спаборніцтвы маладых мам, майстар-класы і інтэрактыўныя праграмы, творчыя сустрэчы, ушанаванне маці, выстаўкі, пасяджэнні клубаў маладых сем'яў, канцэрты мастацкай самадзейнасці, наведванне радзільных дамоў і іншае.

Сяргей РАСОЛЬКА

Выбар рэдакцыі

Эканоміка

Усё, што трэба ведаць пра змены ў Жыллёвым кодэксе

Усё, што трэба ведаць пра змены ў Жыллёвым кодэксе

Мы паспрабавалі адшукаць самыя вострыя вуглы новаўвядзенняў і ўявіць, як будзе працаваць гэты дакумент пачынаючы з 2020 года.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Як запрасіць чалавека, каб ён не прыйшоў, і знойдзены кашалёк.

Грамадства

Як пенсіянерка з Гомеля купіла набор каструль па цане патрыманай іншамаркі

Як пенсіянерка з Гомеля купіла набор каструль па цане патрыманай іншамаркі

Усё, як у казцы: прыгожая зала, музыка, пачастункі. Абаяльныя людзі распавядаюць аб правільным харчаванні і рэкламуюць свой тавар...

Грамадства

714 тысяч тон адходаў для перапрацоўкі сабралі летась беларусы

714 тысяч тон адходаў для перапрацоўкі сабралі летась беларусы

Гэта адходы шкла, паперы, пластыку, шын, батарэек, машыннага масла...