Вы тут

Паштовая марка выпушчана ў гонар ваенных сувязістаў


Міністэрства сувязі і інфарматызацыі выпусціла ў абарачэнне паштовую марку "100 год войскам сувязі Узброеных Сіл Рэспублікі Беларусь". Цырымонія гашэння прайшла ў Цэнтральным доме афіцэраў.


Фота БЕЛТА

Юбілей войскі сувязі адзначаць 20 кастрычніка. У гэты дзень у 1919 годзе было сфармавана ўпраўленне сувязі Чырвонай Арміі, франтоў і армій, а таксама аддзелы сувязі дывізій і брыгад. Задача на сувязістаў ускладзена вельмі адказная - каардынаваць працу іншых злучэнняў і падраздзяленняў.

- Патрэбнасць у сродках кіравання была заўжды, - заявіў міністр абароны Беларусі Андрэй Раўкоў. - І ў мірны час за іх плячыма ўжо была безліч вучэнняў, даследаванняў, творчых пошукаў. Войскі здзейснілі гіганцкі тэхнічны прарыў. І зараз яны ўяўляюць сабой найбольш падрыхтаваную частку арміі, якая па сваім аснашчэнні і прафесіяналізме дазваляе выдатна выконваць задачу кіравання войскамі.

Як жа сувязісты рыхтуюцца да свайго прафесійнага свята?

- Мы сустрэліся з ветэранамі практычна ва ўсіх гарнізонах, правялі ў Баранавічах лёгкаатлетычны крос, - расказвае начальнік сувязі Узброеных Сіл Алег Мішчанка. - Марку заслужыць не так і проста. Мы аддаем даніну памяці тым, хто калісьці ствараў падмурак сучасных войскаў сувязі.

Марка аддрукавана тыражом у 36 тысяч экзэмпляраў. Яе намінал адпавядае тарыфу на перасылку простага ліста масай да 20 грамаў уключна ў межах Беларусі.

Паштовы праект, у склад якога ўваходзяць марка, канверт і спецштэмпель, падрыхтаваны ў супрацоўніцтве з упраўленнем сувязі Генеральнага штаба Узброеных Сіл Беларусі.

Валяр'ян ШКЛЕННІК

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.