Вы тут

БТПР выпусціла ў пяць вадаёмаў больш за шэсць тон рыбы


Рэспубліканскае дзяржаўна-грамадскае аб’яднанне "Беларускае таварыства паляўнічых і рыбаловаў" (БТПР) правяло зарыбленне адразу пяці вадаёмаў краіны, агульная вага выпушчанай рыбы склала больш за шэсць тон.


Два вадаёмы размешчаны ў Брэсцкай вобласці. У возера Арэхаўскае ў Маларыцкім раёне выпушчана каля 7 тысыч асобін карпа агульнай вагой 2,725 тоны. У бліжэйшыя дні ў гэты ж вадаём плануецца дадаткова ўсяліць 2,2 тоны шчупака. Амаль 2 тысячы асобін шчупака і карпа агульнай вагой 835 кілаграмаў было выпушчана ў кар'ер Булькава ў Жабінкаўскім раёне.

Выключна драпежнымі відамі зарыблена Полацкае вадасховішчы: туды ўселена амаль 4 тысячы асобін шчупака агульнай вагой у адну тону і каля 3 тысяч асобін сома (700 кілаграмаў). Праведзена зарыбленне двух вадаёмаў у Магілёўскай вобласці. Больш за 2,4 тысячы асобін шчупака, карпа і белага амура выпушчана ў сажалку гарадскога пасёлка Хоцімск, агульная вага рыбы склала 590 кілаграмаў. А ў сажалку каля населенага пункта Тупічына Касцюковіцкага раёна выпусцілі больш за адну тысячу асобін шчупака, карпа і белага амура (337 кілаграмаў).

Як нагадалі ў БТПР, зарыбленне вадаёмаў праводзіцца за кошт сродкаў Беларускага таварыства паляўнічых і рыбаловаў, атрыманых ад выплаты членскіх узносаў рыбаловамі-аматарамі. Падставай для такіх мерапрыемстваў з'яўляецца біялагічнае абгрунтаванне, якое распрацоўваецца спецыялістамі для кожнага вадаёма і праходзіць абавязковую дзяржаўную экалагічную экспертызу.

Сяргей РАСОЛЬКА

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.