Вы тут

Здымаюць новыя серыі праекта «Беларусь памятае»


Журналісты Агенцтва тэленавін Белтэлерадыёкампаніі прыступілі да здымак новых серый праекта «Беларусь памятае», у якіх раскажуць не толькі пра падзеі на фронце, але і пра лёсы людзей, якія жылі на акупаванай тэрыторыі падчас Вялікай Айчыннай вайны, пра трагедыі цэлых населеных пунктаў, што былі знішчаны разам з жыхарамі.


Фота прэс-службы БТРК.

У мінулым тэлевізійным сезоне творчая каманда АТН падрыхтавала 10 відэаролікаў пад агульнай назвай «Беларусь памятае», прысвечаных 75-годдзю вызвалення нашай краіны ад нямецка-фашысцкіх захопнікаў. У кожным міні-фільме былі рэканструяваны падзеі на фронце, а ролі рэальных салдат і афіцэраў выконвалі іх дзеці і ўнукі.

Цяпер праект раскажа не толькі пра герояў вайны, якія змагаліся на фронце і ў тыле, але і пра мірных жыхароў ваеннага ліхалецця. Так, у адной з серый у сучаснай студэнткі Крысціны Яўцішэнкавай з'явіцца магчымасць візуальна ўвасобіць успаміны пра сваю прабабулю — адлюстраваўшы падзеі тых часоў на палатне і ў кадры. Яе прабабуля Аляксандра Андрэеўна Малышка родам з вёскі Задуб'е Ганцавіцкага раёна Брэсцкай вобласці, якую гітлераўцы спалілі 29 снежня 1943 года, знішчыўшы 48 жыхароў і 149 двароў. Аляксандры Андрэеўне ўдалося выжыць, але яна страціла трох сваіх дзяцей, якіх жорстка забілі фашысты. Пасля вайны гераіня змагла выгадаваць яшчэ чатырох дзяцей. Вёску таксама адрадзілі, а яе ахвяр назаўсёды ўвекавечылі ў мемарыяльным комплексе «Хатынь».

Для здымак творчая група АТН адправілася ў Беларускі дзяржаўны музей народнай архітэктуры і побыту ў вёсцы Азярцо Мінскага раёна. Таксама тэлевізійнікі працуюць у Смалявічах і ў Хатыні. З дапамогай высокатэхналагічнага абсталявання, здымак у паветры, выкарыстання разнастайнай піратэхнікі журналісты імкнуцца перадаць маштабы трагедыі вайны на прыкладзе адной канкрэтнай вёскі.

— Мы працягваем праект, бо ў нас шмат герояў і сярод мірных жыхароў, пра якіх абавязкова трэба расказваць, — адзначае выканаўчы прадзюсар АТН Руслан Туркоў. — Наш праект зацікавіў маладое пакаленне, хлопцы і дзяўчаты паднялі сваю асабістую гісторыю, каб даведацца, кім былі іх дзяды і прадзеды ў часы вайны і які ўнёсак яны зрабілі ў Вялікую Перамогу, 75-годдзе якой мы будзем адзначаць у маі.

Новыя ролікі з цыкла «Беларусь памятае» будуць выходзіць у эфіры «Беларусь 1». А знятыя раней міні-фільмы ёсць у доступе на афіцыйным YоuTubе-канале Агенцтва тэленавін.

Алена ДРАПКО

Загаловак у газеце: Нашчадкі — помняць

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.