Вы тут

У Прыдзвінні каля 297 тысяч — пажылых, 59,3 тысячы — з інваліднасцю


Намеснік старшыні Віцебскага абласнога Савета дэпутатаў, кіраўнік Камітэта па працы, занятасці і сацыяльнай абароне Віцебскага аблвыканкама Аляксандр Хрыстафораў падзяліўся вопытам дапамогі састарэлым і людзям з абмежаванымі магчымасцямі. У Прыдзвінні ўсё насельніцтва складае каля 1,2 мільёна жыхароў, з іх прыблізна 297 тысяч (25,3 %) — пажылых, 59,3 тысячы (5,1 %) — з інваліднасцю.


Фота Анатоля Клешчука.

Нядаўна з адпаведнай справаздачай дэпутат выступіў на пасяджэнні Віцебскага аблвыканкама.

Губернатар Мікалай Шарснёў падкрэсліў, што ўжо многае зроблена, каб сацыяльная дапамога была на высокім узроўні. Але якасць трэба павышаць і надалей, каб задаволіць кожнага, хто мае патрэбу ў дзяржаўнай падтрымцы.

Мэта — забяспечыць доўгае жыццё ў годных умовах для тых, каму неабходна дапамога. Для прафесіяналаў гэта не праблема, бо ёсць вопыт, жаданне працаваць, добрая матэрыяльна-тэхнічная база ва ўстановах сацыяльнага прызначэння.

Дарэчы, вопыт Віцебскай вобласці па сацыяльнай абароне не раз высока адзначаўся кіраўніцтвам профільнага міністэрства. І прызавыя месцы ў ацэнцы работы — ужо штогадовая традыцыя.

Калі казаць сухой мовай статыстыкі, то ў тэрытарыяльных цэнтрах сацыяльнага абслугоўвання насельніцтва паслугі аказваюць прыблізна 43 тысячам грамадзян. У 15 стацыянарах жыве больш за 3,6 тысячы чалавек. Плённа працуе і каля 30 аддзяленняў дзённага знаходжання інвалідаў. Іх пастаянна наведвае каля 1,2 тысячы людзей з абмежаванымі магчымасцямі. У гэтых установах функцыянуе каля 85 рэабілітацыйна-працоўных майстэрняў, 425 гурткоў па інтарэсах.

Трэба сказаць, што той, хто мае патрэбу ў сацыяльным абслугоўванні, можа выбраць найбольш прымальную форму.

Каб паслугі былі ўсім па кішэні, аблвыканкамам замацаваны нізкі тарыф — 55 капеек за гадзіну. Найбольш запатрабаваная дапамога на даму, яе атрымліваюць 15,3 тысячы жыхароў вобласці.

Цікава, што так званыя разавыя сацыяльна-бытавыя паслугі аказваюцца 19 гаспадарчымі брыгадамі і 25 брыгадамі сацыяльнага абслугоўвання на мабільнай аснове.

Становіцца ўсё больш папулярным пражыванне састарэлых у так званых замяшчальных сем'ях: у вобласці іх каля трыццаці.

Пенсіянерам, інвалідам, у тым ліку і дзецям з абмежаванымі магчымасцямі, якія трапілі ў цяжкую жыццёвую сітуацыю, а таксама для іх бяспечнага пражывання са сродкаў дзяржаўнага сацыяльнага страхавання аказваецца матэрыяльная дапамога. Толькі ў першым паўгоддзі яе сума перавысіла 440 тысяч рублёў. Грошы атрымала каля 8 тысяч грамадзян.

Аляксандр ПУКШАНСКІ

Загаловак у газеце: Для доўгага і якаснага жыцця

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.