Вы тут

ЗША і Турцыя дамовіліся аб прыпыненні турэцкай аперацыі ў Сірыі


Віцэ-прэзідэнт ЗША Майк Пенс паведаміў, што Вашынгтон і Анкара дамовіліся аб тым, што наступ турэцкіх войскаў на поўначы Сірыі будзе прыпынены на 120 гадзін, паведамляе ВВС.


Фота aa.com.tr

Гэта неабходна, каб даць магчымасць курдскаму апалчэнню на працягу пяці сутак пры садзейнічанні амерыканцаў выйсці з прымежных раёнаў, якія Турцыя вызначыла як "зона бяспекі".

Майк Пенс, які знаходзіцца з афіцыйным візітам у Анкары, пацвердзіў, што перамовы амерыканцаў з курдамі аб вывадзе іх атрадаў ўжо пачаліся.

Па словах Пенса, дасягнута таксама дамоўленасць аб тым, што ваенная аперацыя Турцыі будзе канчаткова спынена, калі курды выйдуць за адведзены ім час з прымежнай зоны.

Міністр замежных спраў Турцыі Мелвут Чавушаглу сказаў журналістам, што Анакара толькі часова прыпыняе сваю аперацыю. "Яна будзе спыненая толькі пасля таго, як курдскія сілы цалкам пакінуць гэты раён", - сказаў ён.

Турэцкія войскі перасеклі мяжу Сірыі на мінулым тыдні. Яны перайшлі ў наступ пасля таго, як прэзідэнт ЗША Дональд Трамп вырашыў вывесці амерыканскіх вайскоўцаў з гэтага раёна.

Турцыя імкнецца выцесніць курдскія узброеныя фарміраванні з абвешчанай Анкарой "зоны бяспекі".

Турэцкія ўлады маюць намер перасяліць туды да двух мільёнаў сірыйскіх бежанцаў, якія цяпер знаходзяцца ў Турцыі.

Крытыкі гэтага плана заявілі, што ваенная аперацыя можа ператварыцца ў этнічную чыстку курдаў, якія жывуць у гэтай зоне.

Дзясяткі тысяч людзей ужо пакінулі зону ваенных дзеянняў ўздоўж турэцка-сірыйскай мяжы.

Дабрачынныя арганізацыі сцвярджаюць, што колькасць людзей, якія пакінулі свае дамы, можа дасягнуць некалькіх соцень тысяч.

Па словах Майка Пенса, ЗША адменяць накладзеныя на Турцыю санкцыі, калі тая скончыць сваю ваенную аперацыю ў Сірыі.

Прадстаўнікі курдаў не прымалі ўдзелу ў перамовах паміж Вашынгтонам і Анкарой, і пакуль ніяк не каментуюць апошнія заявы ЗША і Турцыі.

Выбар рэдакцыі

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».