Вы тут

У Зэльвенскім раёне бацька збіў чатырохгадовую дачку. Яна ў рэанімацыі


У Зэльвенскім раёне следчыя шукаюць абставіны збіцця чатырохгадовага дзіцяці, паведамляюць у Тэлеграм-канале Следчага камітэта.


18 кастрычніка каля 23:30 у міліцыю паступіла паведамленне з установы аховы здароўя аб тым, што да іх у несвядомым стане дастаўлена дзяўчынка, 2015 года нараджэння, са шматлікімі пашкоджаннямі.

Па папярэдніх дадзеных следства, каля 20:00 18 кастрычніка бацька падвергнуў дзіцёзбіцьцю за тое, што яна яго не паслухалася. Мужчына стаў трэсці дзяўчынку, наносіў удары рукамі і нагамі. Затым некалькі разоў кінуў яе на тахту, а таксама ў сцяну, пасля чаго яна страціла прытомнасць. Спалохаўшыся, мужчына выклікаў хуткую дапамогу, да прыезду медыкаў сам спрабаваў прывесці дачку ў прытомнасць.

Устаноўлена, што дзяўчынка з сястрой, 2016 года нараджэння, знаходзіліся на апецы бацькі. Дзеці раней адбіраліся, так як знаходзіліся ў сацыяльна-небяспечным становішчы, а ўвосень 2018 году былі вернутыя. Іх маці пазбаўлена бацькоўскіх правоў.

Мужчына пражываў таксама з сужыцелькай, у якой ёсць адно дзіця.

25-гадовы мужчына затрыманы. У дачыненні да яго Зэльвенскім раённым аддзелам Следчага камітэта распачата крымінальная справа па арт. 14 і п. 2 ч. 2 арт. 139 КК РБ (замах на забойства заведама малалетняй асобы). З яго ўдзелам праводзяцца следчыя і іншыя працэсуальныя дзеянні.

У сапраўдны момант чатырохгадовая дзяўчынка ў несвядомым стане знаходзіцца ў рэанімацыйным аддзяленні. Другое дзіця, 2016 года нараджэння, перададзена органам апекі, і накіравана ва ўстанову аховы здароўя, так як на целе дзіцяці таксама выяўленыя цялесныя пашкоджанні.

На месца здарэння таксама прыбылі супрацоўнікі абласнога ўпраўлення. Расследаванне справы працягваецца, высвятляюцца ўсе абставіны здарэння.

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.