У сельгасарганізацыях Беларусі бульба ўбрана з 26,8 тыс. га, што складае 97,8 працэнта ўборачных плошчаў, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.
Паводле даных на 21 кастрычніка, выкапана 837,6 тыс. т бульбы (757 тыс. т на аналагічную дату мінулага года). У сярэднім з 1 га ў гэтым годзе збіраюць 312,4 ц бульбы, у мінулым годзе ўраджайнасць складала 268,6 ц/га. Самая высокая ўраджайнасць бульбы ў Віцебскай вобласці - 380,2 ц/га, там убрана 98,6 працэнта плошчы.
Ураджайнасць агародніны і цукровых буракоў таксама перавышае мінулагоднюю. Агародніны збіраюць у сярэднім 263 ц з 1 га (220,8 ц/га ў мінулым годзе). План уборкі выкананы на 75,1 працэнта (убрана 4,92 тыс. га). Цукровых буракоў сабрана больш за 3,2 млн т караняплодаў пры ўраджайнасці 485,9 ц/га (454,5 ц/га на аналагічную дату мінулага года). У лік дзяржзаказу прададзена больш як 1,6 млн т цукровых буракоў, што складае 78,3 працэнта плана.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
