Вы тут

Кіроўцу, які збіў бітай дастаўшчыка піцы, прысудзілі да 2,5 года "хіміі"


Суд Цэнтральнага раёна Мінска вынес прысуд па крымінальнай справе аб хуліганстве ў дачыненні да вадзіцеля Porsche Cayenne, паведамляе БелТА са спасылкай на прэс-службу Мінгарсуда.


Канфлікт, які разглядаўся ў судзе, адбыўся вечарам 12 ліпеня падчас руху паміж 21-гадовым вадзіцелем Daewoo Matiz, які працаваў дастаўшчыкам піцы, і 33-гадовым вадзіцелем Porsche Cayenne. Спыніўшыся на рэгуляваным перакрыжаванні на вуліцы Арлоўскай у Мінску, кіроўца Porsche выйшаў са свайго аўтамабіля і накіраваўся ў бок пацярпелага. Праз адкрытае акно, як паведамлялі раней праваахоўнікі, ён некалькі разоў ударыў кіроўцу Daewoo бейсбольнай бітай па галаве і целе, прычыніўшы яму цялесныя пашкоджанні. Пасля чаго сеў у аўтамабіль і паехаў.

Нагодай да хуліганства стаў слоўны канфлікт з пацярпелым, які, як палічыў абвінавачваны, парушыў правілы дарожнага руху.

Мужчына прызнаны вінаватым у асабліва злосным хуліганстве, яму прызначана пакаранне ў выглядзе 3 гадоў 6 месяцаў абмежавання волі з накіраваннем у выпраўленчую ўстанову адкрытага тыпу. У адпаведнасці з законам аб амністыі яго вызвалілі ад прызначанага пакарання часткова тэрмінам на 1 год.

Прысуд, вынесены 15 кастрычніка, не ўступіў у законную сілу і можа быць абскарджаны і апратэставаны ў апеляцыйным парадку.

Фота ў мініяцюры: analitik.am

Выбар рэдакцыі

Грамадства

Магілёўская вобласць ушанавала лідараў уборачнай кампаніі

Магілёўская вобласць ушанавала лідараў уборачнай кампаніі

У Дзень работнікаў сельскай гаспадаркі і перапрацоўчай прамысловасці АПК.

Грамадства

Хворым на фенілкетанурыю могуць палепшыць забяспячэнне прадуктамі харчавання

Хворым на фенілкетанурыю могуць палепшыць забяспячэнне прадуктамі харчавання

Міністэрства аховы здароўя адказала на публікацыю «Звязды».