Вы тут

Хатняя энцыклапедыя


Курыца з баклажанамі па-кітайску

Спатрэбіцца: філе курыных грудак — 800 г, баклажаны сярэдняга памеру — 4 шт., соевы соус — 2 ст. л., яблычны воцат — 2 ст. л., цукар — 3 ст. л., надзёрты свежы імбір — 1 ст. л., кунжут (па жаданні) — 1 ч. л., кукурузны крухмал — 2 ч. л. (або 1 ч. л. бульбянога), часнок — 1 зубчык, чырвоны востры перац на кончыку нажа, алей.

Курыцу наразаем доўгімі палоскамі таўшчынёй 1 см. Баклажаны — доўгімі брусочкамі. У некалькі партый абсмажваем кураціну на алеі на моцным агні, пакуль мяса ўнутры не перастане быць ружовым. Выкладваем на талерку і адстаўляем убок.

Кладзём у патэльню, дзе смажылася курыца, баклажаны, дадаём імбір, часнок і 50 мл вады, даводзім да кіпення. Памяншаем агонь да сярэдняга, накрываем патэльню вечкам і смажым, перыядычна памешваючы, пакуль вадкасць не выпарыцца, а баклажаны не будуць гатовыя.

У асобным посудзе змешваем соевы соус, воцат, кунжут, крухмал, перац і цукар.

Курыцу кладзём на патэльню да баклажанаў, заліваем соевай сумессю і на моцным агні даводзім да кіпення. Затым памяншаем агонь і смажым, памешваючы, пакуль падліўка не загусне.

Гатовую страву лепш за ўсё падаваць з рысам.


Памідоры ў сырным кляры

Спатрэбіцца: цвердаватыя памідоры — 4 шт., сыр — 150 г, смятана — 2 ст. лыжкі, яйкі — 2 шт., сушаная молатая папрыка, часнок молаты або свежы, надзёрты на дробнай тарцы, чорны ці чырвоны молаты перац.

Памідоры памыць, апусціць на некалькі секундаў у кіпень, зняць скурку. Нарэзаць кружочкамі, пасыпаць папрыкай, часнаком, чорным ці чырвоным перцам.

Для кляру: узбіць 2 яйкі, змяшаць са смятанай, дадаць дзёрты сыр, усё яшчэ раз старанна змяшаць.

Памідоры акунаць у кляр і смажыць на добра разагрэтай патэльні з антыпрыгарнай паверхняй (або на звычайнай) на алеі да залацістай скарыначкі.


Не па прызначэнні, але...

veronikaa.ru

Жыццё капронавых калготак кароткае, і жанчыны пра гэта выдатна ведаюць. «Стрэлкі», зацяжкі, парывы — усё гэта прамая дарога ва ўтыль. Аднак такое рашэнне — не самае рацыянальнае. Старыя, пашкоджаныя калготкі ці панчохі можна працягваць выкарыстоўваць.

  • Аказваецца, гэта зручны матэрыял для чысткі абутку. Калготкі з поспехам замяняюць абутковыя шчоткі: начышчаны абутак блішчыць нібы адпаліраваны.
  • У панчоху можна пакласці далікатныя рэчы перад мыццём. У такім выглядзе захаванасць бялізны пасля мыцця гарантавана.
  • Калготкі — альтэрнатыва губкам для мыцця посуду.
  • Скамечаная панчоха — выдатная мачалка.
  • Калготкамі можна памыць шкло, люстэрка і нават адпаліраваць мэблю.
  • Абцягніце панчохай качалку, і ў вас не будзе праблем з прыліпаннем цеста пры яго раскочванні.
  • Напоўненая цыбуляй або часнаком панчоха ў падвешаным стане выдатна захоўвае гэтыя дары прыроды.
  • Матэрыял калготак выдатны для працірання далікатных лісточкаў хатніх раслін ад пылу.
  • На садовым участку, калі трэба намыліць рукі, каб не запэцкаць мыла ў зямлі, можна пакласці яго ў панчоху. Другі канец панчохі прымацаваць да ўмывальніка.

Выбар рэдакцыі

Грамадства

Як пенсіянерка з Гомеля купіла набор каструль па цане патрыманай іншамаркі

Як пенсіянерка з Гомеля купіла набор каструль па цане патрыманай іншамаркі

Усё, як у казцы: прыгожая зала, музыка, пачастункі. Абаяльныя людзі распавядаюць аб правільным харчаванні і рэкламуюць свой тавар...

Грамадства

714 тысяч тон адходаў для перапрацоўкі сабралі летась беларусы

714 тысяч тон адходаў для перапрацоўкі сабралі летась беларусы

Гэта адходы шкла, паперы, пластыку, шын, батарэек, машыннага масла...

Грамадства

​Дзе прызначалі спатканні ў даваенным Мінску?

​Дзе прызначалі спатканні ў даваенным Мінску?

Атрымаць падказкі вам дапаможа экскурсія «Рамантыка мінскіх дворыкаў».