Вы тут

Як дэпутаты Гомельскага абласнога Савета вырашаюць праблемы на месцах


Штомесяц дэпутаты Гомельскага абласнога Савета выязджаюць у той ці іншы раён, каб на месцы пазнаёміцца з унікальным вопытам, уласцівым канкрэтнай тэрыторыі.


Сёлета яны ўжо пабывалі ў Брагінскім, Рэчыцкім, Буда-Кашалёўскім, Акцябрскім, Веткаўскім, Лоеўскім, Рагачоўскім, Лельчыцкім і Нараўлянскім раёнах. Запланавана наведаць яшчэ Гомельскі і Чачэрскі. У гэтых семінарах бяруць удзел і прадстаўнікі органаў кіравання, прадпрыемстваў і арганізацый, якія адначасова з'яўляюцца дэпутатамі Саветаў рознага ўзроўню.

Праграма звычайна запланавана ў інтэнсіўным тэмпе: трэба наведаць некалькі сельсаветаў і ў кожным — не адзін населены пункт. Праходзяць размовы з насельніцтвам, сустрэчы ў працоўных калектывах, абавязкова ўдзяляецца ўвага розным аб'ектам сацкультбыту.

На тэрыторыі Буда-Кашалёўскага раёна, напрыклад, вывучаўся досвед аднаўлення, захавання і развіцця традыцыйных культур і рамёстваў. Пацярпелы ад чарнобыльскай катастрофы Брагінскі раён падзяліўся сваімі ўнікальнымі мясцовымі ініцыятывамі, якія рэалізуюцца ва ўзаемадзеянні з міжнароднымі арганізацыямі. У Гомелі расказалі пра напрацоўкі сістэмнага ўзаемадзеяння органаў мясцовага кіравання і самакіравання з насельніцтвам праз калегіяльны орган тэрытарыяльнага грамадскага самакіравання. Захаванню гістарычнай і культурнай спадчыны малой радзімы вучыліся ў Лоеўскім раёне. Дапамозе ў рэалізацыі прадпрымальніцкіх пачынанняў — у Акцябрскім.

Дэпутаты заўсёды звяртаюць увагу на санітарны стан тэрыторый. Навядзенне парадку на зямлі — задача пастаянная. Прыведзены ў парадак месцы масавага адпачынку, помнікі, паркі, скверы, дзіцячыя пляцоўкі, пасаджаны тысячы дрэў. Да кантролю і кансультатыўнай дапамогі прыцягваюцца прадстаўнікі камітэта прыродных рэсурсаў і аховы навакольнага асяроддзя, санстанцыі, ЖКГ, землеўпарадкавальнай службы, МНС, УУС і іншых арганізацый.

Самае важнае дасягненне пры гэтым — насельніцтва стала актыўна браць удзел у грамадскім жыцці свайго рэгіёна. Прычым не толькі ў добраўпарадкаванні, самафінансаванні, але і ў спартыўным, і ў культурным жыцці.

Формаў стасункаў з людзьмі шмат. Кіраўнікі сельсаветаў праводзяць сходы па месцы жыхарства, сустрэчы ў працоўных калектывах, выязныя сумесныя прыёмы грамадзян, шчыльна працуюць са зваротамі людзей. Дарэчы, апошняе — адна з самых важных формаў дзейнасці, лічыць старшыня Гомельскага абласнога Савета дэпутатаў Кацярына Зенкевіч:

— Непасрэдна ў абласны Савет сёлета паступіла 40 асабістых зваротаў і 109 — на прамую тэлефонную лінію. Самая вялікая колькасць пытанняў датычыцца жыллёва-камунальнай гаспадаркі, працаўладкавання, гандлёвага і бытавога абслугоўвання, падтрымкі асабістых дапаможных гаспадарак, добраўпарадкавання... Усе пытанні да поўнага іх вырашэння застаюцца на кантролі. Сталыя людзі звяртаюцца з просьбай штосьці адрамантаваць, забяспечыць бясплатным сацыяльным абслугоўваннем. Задача дэпутата — даходліва растлумачыць, чым дзяржава можа дапамагчы, вырашэнне якіх пытанняў можа пачакаць, а што павінен рабіць сам грамадзянін.

Дарэчы, Гомельскім абласным Саветам дэпутатаў прынята 16 рэгіянальных комплексаў мерапрыемстваў па рэалізацыі дзяржаўных праграм: «Малое і сярэдняе прадпрымальніцтва», «Сацыяльная абарона і садзейнічанне занятасці», «Адукацыя і маладзёжная палітыка», «Культура Беларусі», «Пераадоленне наступстваў катастрофы на Чарнобыльскай АЭС на 2011—2015 гады і на перыяд да 2020 года», «Ахова навакольнага асяроддзя і ўстойлівае выкарыстанне прыродных рэсурсаў», «Развіццё аграрнага бізнесу» ды іншыя.

Ірына АСТАШКЕВІЧ

Прэв'ю: smolensk-i.ru

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.