Вы тут

23-е месца ў рэйтынгу са 162 дзяржаў


Беларусь з'яўляецца лідарам у рэгіёне па арганізацыі работы па дасягненні Мэт устойлівага развіцця.

Пра гэта заявіла журналістам намеснік старшыні Савета Рэспублікі, нацыянальны каардынатар па дасягненні МУР Мар'яна Шчоткіна. Яна ўзяла ўдзел у Нацыянальных кансультацыях наконт прыярытэтаў Рамачнай праграмы супрацоўніцтва ААН і Беларусі ў сферы ўстойлівага развіцця на 2021—2025 гады. Мерапрыемства праходзіць з 23 да 25 кастрычніка ў Мінску.


«Паводле ацэнкі сусветных экспертаў, Беларусь з'яўляецца лідарам у рэгіёне па арганізацыі работы па дасягненні Мэт устойлівага развіцця. Паводле Індэкса ўстойлівага развіцця краін, мы займаем 23-е месца ў рэйтынгу сярод 162 дзяржаў. Гэта вельмі высокая пазіцыя, — адзначыла Мар'яна Шчоткіна. — Таму для нас вельмі важна, каб былі спалучаныя краінавая праграма і нашы нацыянальныя дакументы. Сёння мы зробім акцэнт у тым ліку на рэалізацыі краінавай праграмы, якая разлічана да 2020 года. Там ёсць чатыры асноўныя кірункі — дзяржкіраванне, эканоміка, экалогія і развіццё чалавечага патэнцыялу, што з'яўляецца прыярытэтамі развіцця нашай дзяржавы».

Двухдзённыя кансультацыі дазволяць абмеркаваць прапановы, якія лягуць у аснову краінавай праграмы да 2025 года. «Дарэчы, Беларусь уваходзіць у 30 дзяржаў свету, якія ўжо распачалі такое абмеркаванне. Мы хочам прапанаваць, каб пры дасягненні Мэт устойлівага развіцця, пры фарміраванні наступнай краінавай праграмы яе змястоўная частка грунтавалася перадусім на нацыянальных інтарэсах Беларусі. А для гэтага важна, каб былі скарэляваны інтарэсы дзяржкіравання, грамадзянскай супольнасці і прыватнага бізнесу», — адзначыла Мар'яна Шчоткіна.

Нацыянальныя кансультацыі наконт прыярытэтаў Рамачнай праграмы супрацоўніцтва ААН і Беларусі ў сферы ўстойлівага развіцця на 2021—2025 гады ўпершыню праводзяцца з шырокім удзелам партнёраў ААН, такіх як прадстаўнікі ўрада, парламента, арганізацый грамадзянскай супольнасці і бізнесу. Кансультацыі з'яўляюцца працягам дзейнасці арганізацый сістэмы ААН у Беларусі па аказанні дапамогі ў рэалізацыі Мэт устойлівага развіцця.

Паводле БелТА

Прэв'ю: БЕЛТА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.