Вы тут

Тэхналогіі фарміруюць будучыню


Ці здольныя звычайныя гандлёвыя зносіны забяспечыць патрэбу ў далейшым развіцці беларуска-японскага супрацоўніцтва?

У Савеце Рэспублікі прайшла сустрэча старшыні Пастаяннай камісіі па міжнародных справах і нацыянальнай бяспецы Сяргея Рахманава з кіраўнікамі японскіх кампаній.


Традыцыйна тавараабарот паміж Беларуссю і Японіяй вымяраецца некалькімі сотнямі мільёнаў долараў — гэта няшмат, улічваючы магчымасці абедзвюх краін. Так адбываецца перш за ўсё з-за таго, што Японія не з'яўляецца прэміяльным рынкам для нашай прадукцыі (фактар адлегласці ніхто не скідвае з рахункаў, ды і высокую канкурэнцыю таксама). Таму гэтую краіну неабходна ўспрымаць як крыніцу тэхналогій. І прыклады пераймання высокіх тэхналогій ужо з'яўляюцца. Як паведаміў Сяргей Рахманаў, пачалася рэалізацыя дастаткова цікавага інвестыцыйнага праекта з удзелам японскай карпарацыі на Беларускім металургічным заводзе, які датычыцца нарэзкі труб:

— У гэтым выпадку інвестыцыі невялікія, але калі будзе створана вытворчасць у Беларусі, мы зможам прадаваць канчатковы, а не прамежкавы прадукт з высокай дабаўленай вартасцю, — лічыць сенатар.

Перайманне тэхналогій і, адпаведна, павелічэнне канкурэнтаздольнасці вырабляемай прадукцыі паўплывае, між іншым, і на рост экспарту ў трэція краіны. Так і трэба дзейнічаць, пераходзячы ад звычайнага гандлю да прамысловай кааперацыі і рэалізацыі сумесных праектаў. І гэта дасць свой станоўчы эфект.

Дарэчы, беларускаму боку таксама ёсць што прапанаваць японскаму бізнесу: напрыклад, праекты ў сферы ІТ, штучнага інтэлекту, вялікіх баз даных, а таксама іншых тэхналогій, якімі мы валодаем.

Акрамя таго, Японія праяўляе цікавасць да напрацовак у сферы сельгасвытворчасці: гэтая краіна толькі на 40 % забяспечвае сябе прадуктамі харчавання, астатняе прыпадае на долю імпарту. Беларускі бок гатовы падзяліцца сваімі дасягненнямі, напрыклад, зараз разглядаецца варыянт перадачы тэхналогій на ўзаемавыгадных умовах па вырошчванні высакарослых буякоў.

Генеральны дырэктар японска-беларускай Асацыяцыі па развіцці гандлёвага і прамысловага супрацоўніцтва Міцусіта Чыкахіта пацвердзіў зацікаўленасць сваіх калег у рэалізацыі сумесных праектаў і далейшым развіцці ўзаемавыгадных адносін.

— Адзін з праектаў, які мы б хацелі прапанаваць у Беларусі, датычыцца дамоў састарэлых (такіх зараз у Японіі шмат) — гэта сэрвіс, які аб'ядноўвае сацыяльныя паслугі разам з абслугоўваннем у гэтых дамах, — паведаміў ён.

На думку Сяргея Рахманава, самае галоўнае — добрая дынаміка двухбаковых адосін, вынікам якіх стала павышэнне статусу пасольства Японіі ў Беларусі і прызначэнне Надзвычайнага і Паўнамоцнага Пасла ў нашу краіну. Добры знак для далейшага ўмацавання сувязяў.

Вольга АНУФРЫЕВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…