Вы тут

У праграме «Контуры» адкрываецца новая рубрыка «Тур па Беларусі»


У праграме «Контуры» адкрываецца новая рубрыка «Тур па Беларусі» ад аглядальніка Ігара Тура. Яна будзе знаёміць гледачоў з беларусамі, якія імкнуцца дасягнуць поспеху і гатовыя ўкладаць свае сілы ў тое, каб больш камфортным стала не толькі іх уласнае жыццё, але і тых, хто жыве побач.


Па фармаце нас чакае серыя рэпартажаў пра людзей, якіх вылучае ўменне распараджацца сваімі магчымасцямі — неабавязкова фінансавымі. Пабудавалі дзіцячую пляцоўку, дапамаглі пенсіянеру адрамантаваць дом альбо арганізавалі футбольны турнір — значыць, і вы можаце стаць героем новай рубрыкі.

— Павялічыць маштабы добрых спраў — наша галоўная задача, да чаго будзе імкнуцца ў выніку ўся каманда. Але для пачатку мы хацелі б расказаць пра людзей, якія робяць нешта ў жыцці не толькі для сябе і бескарысліва. Паказаць, што чалавекам, які будзе ганарыцца сам сабой і якім будуць ганарыцца ўсе, можа стаць кожны, галоўнае —  мець жаданне! Магчыма, недзе мы хочам змяніць стаўленне да такіх людзей, бо часам ім даводзіцца чуць нешта кшталту: «Табе, што, больш за іншых трэба?» Ды і мясцовыя ўлады, спадзяюся, звернуць на такіх герояў увагу, бо часам людзям для рэалізацыі добрай справы патрэбна дапамога ці хоць бы адсутнасць перашкод. Мяне асабіста матывуе ў гэтай рабоце таксама абвостранае пачуццё справядлівасці. Бо, на маю думку, абсалютна справядліва дапамагаць больш і падтрымліваць тых, хто ўкладае свае сілы на карысць грамадства, а не толькі патрабуе нечага для сябе, — дзеліцца аўтар і вядучы рубрыкі, палітычны аглядальнік АНТ Ігар ТУР. — На этапе прома-кампаніі ў патоку зваротнай сувязі можна выдзеліць два кірункі. Першы — відэапаведамленні людзей, у якіх яны апавядаюць пра сябе альбо пра знаёмых, хто зрабіў нешта для іншых, бо мог. Гісторыі розныя — пра аднаўленне помнікаў, пра дабрачынны мотапарад альбо, напрыклад, гісторыя ад жанчыны, якая дапамагла знайсці сябе ў жыцці абсалютна незнаёмаму чалавеку з інваліднасцю. У дзень прыходзіць 5-7 паведамленняў. Другая частка аповедаў паступае ад калег-рэпарцёраў. Журналісты часта пра такіх людзей ведаюць, пішуць, аднак да «Тура па Беларусі» не было такой прасторы, дзе можна было б расказаць пра іх. У мяне ў асабістых паведамленнях ужо каля паўсотні такіх гісторый.

У эфіры, па планах каманды, рубрыка з'явіцца ў першую нядзелю лістапада, але кім будуць героі дэбютных рэпартажаў, пакуль сакрэт. Выходзіць «Тур па Беларусі» будзе раз на два тыдні ў «Контурах», аднак калі колькасць гісторый будзе вялікая, то перыядычнасць можа змяніцца. Таму спяшайцеся і дасылайце свае відэа на электронную пошту праекта tur@ont.by альбо ў сацыяльных сетках. Ніводная з іх не застанецца без вывучэння і зваротнай сувязі.

Алена ДРАПКО

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».