Вы тут

Аляксандр Лукашэнка наведвае з афіцыйным візітам Казахстан


Учора Аляксандр Лукашэнка асабіста праводзіў у мінскім аэрапорце Прэзідэнта Кубы Мігеля Марыа Дыяса-Канеля Бермудэса і адправіўся з афіцыйным візітам у Казахстан. У Нур-Султане яго каля самага трапа сустракаў кіраўнік краіны — Касым-Жамарт Такаеў. Такія дзеянні лідараў — знакі асаблівай пашаны і сяброўскіх адносін паміж імі.


Фота БЕЛТА

Пасля прылёту Аляксандр Лукашэнка ўсклаў кветкі да манумента «Абаронцы Айчыны», дзе звычайна адбываюцца ўрачыстасці да Дня Перамогі. Учора вечарам лідары краін абмеркавалі ўзаемадзеянне падчас нефармальнай вячэры. Сёння пачнуцца афіцыйныя перамовы. Плануецца, што асаблівы акцэнт на сустрэчы зробяць на гандлёва-эканамічным партнёрстве, пашырэнні прамысловай кааперацыі, узаемадзеянні ў сферы транспарту і высокіх тэхналогій. Чакаецца таксама заключэнне пагаднення аб пастаўцы і перапрацоўцы ў Беларусі казахстанскай нафты.

Учора ў Нур-Султане адбыўся беларуска-казахстанскі бізнес-форум, прымеркаваны да афіцыйнага візіту. Як расказаў журналістам БелТА старшыня Беларускай гандлёва-прамысловай палаты Уладзімір Улаховіч, там заключаны кантракты на 75 мільёнаў долараў ЗША.

У прыватнасці, БелАЗ падпісаў пагадненне аб сумеснай вытворчасці прадукцыі з прадпрыемствам «АстанаБелазСэрвіс К», «Гомсельмаш» і «Аграмашхолдынг KZ» заключылі пагадненне аб рэалізацыі прадукцыі, холдынг «Бабруйскаграмаш» дамовіўся аб пастаўках з кампаніямі «АграБізнесКазахстан» і «Аксуат». Мінскі трактарны завод падпісаў чатыры пагадненні аб сумеснай вытворчасці прадукцыі — з таварыствамі «Казахстанская Агра Інавацыйная карпарацыя», «Гандлёвы дом Беларускі трактар», «СемАЗ» і «Кампазіт Груп Казахстан». Аналагічны дакумент заключыў Мінскі аўтамабільны завод з HyundaіTransAuto.

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.