Вы тут

Што хвалюе жыхароў Баранавіцкага раёна?


22 чалавекі запісаліся на прыём да памочніка Прэзідэнта — інспектара па Брэсцкай вобласці Анатоля Маркевіча ў Баранавіцкім райвыканкаме.


Фота БЕЛТА

Правядзенне прыёмаў і прамых тэлефонных ліній, па словах Анатоля Маркевіча, дапамагае глыбей даведацца праблемы, якія хвалююць людзей. «Я лічу, што дробных пытанняў тут не бывае, бо кожны чалавек прыходзіць са сваёй канкрэтнай сітуацыяй, у якую ён трапіў па розных прычынах. І вельмі важна ні ў якім разе не падыходзіць фармальна да абмеркавання гэтых пытанняў, таму што часам, здавалася б, радавы выпадак выводзіць на сур'ёзную праблему, якую трэба вывучаць больш глыбока і больш дэталёва», — адзначыў памочнік Прэзідэнта.

Як перадаў карэспандэнт БелТА, такія пытанні падчас гэтай сустрэчы таксама прагучалі. Так, медсястра з Баранавічаў, якая адна выхоўвае дзіця-інваліда, прапануе даваць такім мамам дадатковы выхадны да заканчэння вучобы іх дзяцей. Пытанне знаходзіцца ў кампетэнцыі заканадаўцаў. «Жыццё больш шматграннае, чым нарматыўныя дакументы, у заканадаўстве ўсё не прапішаш. Так, мы павінны абавязкова кіравацца адпаведнымі актамі. Але, разам з тым, асобныя жыццёвыя сітуацыі патрабуюць карэкціроўкі нашага ўзаемадзеяння», — сказаў Анатоль Маркевіч.

Усяго на прыём запісаліся 22 чалавекі, а падчас прамой лініі памочнік кіраўніка дзяржавы адказаў больш чым на дзясятак пытанняў. Ужо падчас зносін з людзьмі ён карэктаваў свае планы на заўтра. «Не па ўсіх пазіцыях былі адразу ж знойдзеныя рашэнні. Таму будзем выязджаць на месца і сустракацца непасрэдна на аб'ектах з людзьмі, каб пастарацца вырашыць узнятыя праблемы. Вельмі важна, каб чалавек пасля правядзення прыёму ведаў, што мы далей будзем рабіць, чым рэальна зможам дапамагчы. Менавіта такім пастулатам мы кіруемся ў сваёй рабоце», — падкрэсліў памочнік Прэзідэнта.

Папярэдне Анатоль Маркевіч планаваў наведаць шэраг прадпрыемстваў у Баранавічах. «Думаю, паспею гэта зрабіць, але ў першую чаргу мы сустрэнемся з людзьмі і правядзём канкрэтную размову па тых пытаннях, якія іх цікавяць. Чужых праблем не бывае, я кажу гэта шчыра, таму што за кожнай стаяць рэальныя людзі, рэальныя сем'і, і вельмі важна нам разам паспрабаваць на законнай падставе знайсці рашэнне, якое задаволіла б усіх», — рэзюмаваў ён.

Загаловак у газеце: Дробных пытанняў падчас асабістых прыёмаў грамадзян не бывае

Выбар рэдакцыі

Грамадства

Хворым на фенілкетанурыю могуць палепшыць забяспячэнне прадуктамі харчавання

Хворым на фенілкетанурыю могуць палепшыць забяспячэнне прадуктамі харчавання

Міністэрства аховы здароўя адказала на публікацыю «Звязды».

Палітыка

На пасяджэнні ЦВК зарэгістраваны 56 членаў Савета Рэспублікі сёмага склікання

На пасяджэнні ЦВК зарэгістраваны 56 членаў Савета Рэспублікі сёмага склікання

Выбары прайшлі ў прыўзнятай атмасферы, дастойна і з яркімі выступленнямі.

Культура

У Беларусі будзе стварацца археалагічная карта

У Беларусі будзе стварацца археалагічная карта

Калі Скарына прыехаў у Кракаў, і як выглядаў малы Рагвалодавіч.