Вы тут

Звяры як людзi


Часам нейкая жывёла паводзiць сябе так, што мiжволi пачынаеш параўноўваць яе з чалавекам. Цi чытаеш, як яны трапляюць у гiсторыi — смешныя, сумныя, крымiнальныя, павучальныя. Словам, нярэдка ўсё, як у людзей... Гэтыя дзве цiкавiнкi з'явiлiся амаль адначасова, толькi адна з iх прыйшла з Кiтая, другая — мясцовага паходжання. Яны як быццам зусiм розныя, насамрэч за iмi стаiць шмат агульнага. («Дзiўна, але ногi ў дога i таксы роўна такой даўжынi, каб даставалi да зямлi».) Так, пiсалi, што кату па мянушцы Сяопi з Паднябеснай спатрэбiлася кропельнiца з глюкозай пасля таго, як яго пакiнулi... з пяццю кошкамi на ноч у гатэлi для жывёл. I дазволiлi свабодна перамяшчацца. Ну, вы здагадалiся? («Арнiтолаг ачмурэў, калi акальцаваная iм варона сказала: «Я згодная!») Пасля шэрагу «раманаў» кот настолькi знясiлiўся, што яму спатрэбiлася тая самая кропельнiца. («Учора напачатку было добра, потым яшчэ лепш, затым стала настолькi добра, што сёння т-а-а-к кепска...») Персанал гасцiнiцы мусiў прасiць прабачэння ў гаспадара ката, прапанаваў кампенсацыю за паслугi ветэрынара, а таксама паабяцаў выплацiць яе ўладальнiкам цяжарных кошак. («Сядзяць мужык i кот. — Эх, — кажа мужык, — жонка мая ўчора трайнят нарадзiла... — Не хвалюйся, — адказвае кот. — Раздасi!»)


Адначасова ў сецiве з'явiлiся фатаграфii, зробленыя ў Асiповiцкiм раёне: статак зуброў больш чым у сто галоў сочыць за боем двух лясных волатаў за ролю важака. Такое зняць можна было толькi з дрона. («Маладзенькая настаўнiца прывяла клас у заапарк на экскурсiю i размаўляе з наглядчыкам: — Скажыце, мы можам убачыць малпаў? — Не, грамадзяначка, не: у iх зараз шлюбны сезон, яны не выходзяць з клетак. — Вой, як шкада... Дзецi так хацелi паглядзець на малпачак... А, можа, як-небудзь iх выманiць адтуль? Ну, арэшкамi завабiць... — А вы самi б выйшлi?») У вынiку вопыт перамог маладосць. («Два быкi падымаюцца на пагорак i бачаць каля яго падножжа статак кароў. Малады, усхвалявана, старому: — Давай хутчэй унiз, я заўважыў прыгожую рагулю! Ды i табе кароўку знойдзем! На што стары бык спакойна адказвае: — Мы зараз павольна сыдзем i возьмем УВЕСЬ статак!»)

У Нiдэрландах пасля крадзяжу з крамы ў турму пасадзiлi... папугая. Палiцыя галандскага горада Утрэхт арыштавала на месцы злачынства злодзея разам з яго птушкай, якая ў той момант сядзела на плячы ў мужчыны. Калi зламыснiка разам з яго гадаванцам даставiлi ў iзалятар, праваахоўнiкi зразумелi, што ў iх няма нi клеткi, нi свабоднай камеры для птушкi. Параiўшыся з затрыманым, яны пасадзiлi папугая ў камеру да гаспадара. («Калi ўявiць, што заапарк — гэта турма для звяроў, якiя здзейснiлi злачынствы, экскурсiя становiцца нашмат цiкавейшай».) Для птушкi нават прынеслi ваду i белы хлеб. Як тут не прыгадаць вядомую фразу з мульцiка: «Таiцi, Таiцi... Нас i тут няблага кормяць!» А палiцэйскiя ў нямецкiм горадзе Лерах каля гранiцы са Швейцарыяй выязджалi на выклiк суседзяў адносна магчымага хатняга гвалту i ўбачылi хлопца, якi... спрачаўся з папугаем. («Папугайчык Анатоля Васермана задавiў сваiм iнтэлектам двух ветэрынараў».) Калi яны прыбылi на месца, з-за дзвярэй чулiся крыкi. Высветлiлася, што 22-гадовага гаспадара моцна зачапiлi... паводзiны птушкi, якая належала яго дзяўчыне, таму ён i ўступiў у спрэчку з папугаем. А той стаў адказваць моцным брэхам. («Жонка: — Ты паеў? Муж: — Ты паеў? Жонка: — Не перадражнiвай мяне! Муж: — Не перадражнiвай мяне! Жонка: — Я цябе кахаю! Муж: — Я паеў!»)

А ведаеце гiсторыю, як у Новай Зеландыi кот пасварыў закаханую пару? Дзяўчына знайшла на iх ложку чужыя жаночыя трусы, а на заднiм ганку — бюстгальтар. Здрада? («Цiкавы факт: акула нападае толькi на мокрых людзей».) Мужчына змог даказаць сваю вернасць, калi высветлiў, што яго кот па мянушцы Мо... крадзе адзенне ў суседзяў. («Калi мой кот вырашыў, што мне пара ўставаць, то яго ўжо цяжка пераканаць у адваротным».) Раней гэтую схiльнасць не заўважылi, бо жывёла хадзiла на «промысел» толькi ноччу. Новазеландзец сказаў, што за тыдзень кот крадзе 30 — 40 рэчаў, якiя ён потым вяртае суседзям: мужчынскую i жаночую бялiзну, шкарпэткi. Дагэтуль у Аўстралii быў падобны ж выпадак: рыжая кошка Нiндзя крала так шмат рэчаў у суседзяў, што гаспадыня нават завяла спецыяльную старонку ў сецiве, каб iх раздаваць. («Кошкi трацяць дзве трацiны свайго жыцця на сон, а ўвесь iншы час здымаюцца для «ютуба».)

У Конга дзве горныя гарылы навучылiся пазiраваць для сэлфi — як людзi, стоячы на дзвюх нагах i гледзячы ў камеру. Рэйнджар Мацье Шамаву, якога жывёлы лiчаць сваiм бацькам, выратаваў у 2007 годзе дзвюх малых гарыл, бацькi якiх былi забiтыя браканьерамi. Чатырохмесячных малпаў прывезлi ў прытулак для жывёл у нацыянальным парку Вiрунга, дзе яны з часам навучылiся ў пэўным сэнсе капiраваць сваiх новых выхавацеляў. («Сем гадоў я быў суровым катом, якi хадзiў з «Нокiяй» з лiхтарыкам. Але яна нядаўна зламалася. Купiў дарагi смартфон i ўжо пачынаю ператварацца ў мiмiшную кошачку. Цяпер сяджу ў прыбiральнi i пiшу гэта... P.S. Калi пачну рабiць сэлфi, знайдзiце мяне i прыстрэльце...»)

Нездарма ж iх называюць братамi нашымi меншымi...

Кастусь ХАЦЕЛАЎ-ЗМАГЕЛАЎ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.