Вы тут

Канал «Культура» знаёмiць маленькiх слухачоў з казкай «Незабыўныя сустрэчы з авечкай Адэляй»


Канал «Культура» Беларускага радыё ў праграме «Дасцiпныя. Нястомныя. Кемлiвыя» пачаў знаёмiць маленькiх слухачоў з творам Наталлi Бучынскай «Незабыўныя сустрэчы з авечкай Адэляй».


Рубрыка «Чароўны куфэрак» iснуе ў радыёклубе для дзяцей i падлеткаў шмат гадоў. За мiнулы сезон слухачы пачулi тут беларускiя народныя казкi, аповесцi Паўла Мiсько «Прыгоды Бульбобаў» i «Як на нашы iмянiны...», казкi Алены Масла «Як панi Чаротная ў Палангу на госцi бегала» i «Пацучок Фелек», творы Наталлi Бучынскай «Атракцыёны для вадзянiкоў», «Прыгоды маленькай машынкi», «Як бабры прытулак шукалi», аповесць Пятра Васючэнкi «Каляровая затока» i iншае.

— Сучасныя бацькi маюць два арыенцiры — уласнае дзяцiнства i рэкламу навiнак. А што ж з кнiгамi, якiя выйшлi «паўпакалення» таму? Iх ужо няма ў кнiгарнях, але дзецi, што iх чыталi, пакуль самi не сталi бацькамi. Такiм чынам, наш «Чароўны куфэрак» вяртае ў поле зроку чытачоў цiкавыя творы нашых аўтараў», — кажа кiраўнiк праектаў Наталля Сiротка.

Аўдыяверсiя казкi «Незабыўныя сустрэчы з авечкай Адэляй» прагучыць на хвалях канала «Культура» ў выкананнi артысткi Лiкi Пташук. «Гэта выдатны тэкст, лёгкi, выразны. Працаваць з iм — адно задавальненне. Я ўжо не ўпершыню сустракаюся з дзiцячымi творамi Наталлi Бучынскай i буду рада асабiстаму знаёмству», — падзялiлася ўражаннямi ад работы актрыса.

Кнiга «Незабыўныя сустрэчы з авечкай Адэляй» убачыла свет у 2013 годзе. Пiсьменнiца зарэгiстравала электронны адрас для сваёй гераiнi, i цяпер авечка Адэля прымае лiсты ад маленькiх чытачоў.

— Вобраз упартай, кемлiвай i гламурнай авечкi Адэлi паўстаў перада мной так жыва, што аповеды пра яе прыгоды проста пацяклi ракой. Спрэчкi аўтара з гераiняй — авечкай, якая марыць стаць сусветна вядомай зоркай, — даюць дзецям адчуванне, быццам i яны таксама могуць паўдзельнiчаць у развiццi гiсторыi. Дарэчы, многiя чытачы далучылiся да абмеркавання пытанняў, якiя iм прапаноўвала Адэля на старонках часопiса «Бярозка». Iншыя дасылаюць на яе паштовую скрыню малюнкi. Ёсць i такiя, якiя лiстуюцца з ёю, расказваюць пра сваiх сяброў, пра школу i сям'ю, пра хатнiх гадаванцаў. Бывае, дзеляцца перажываннямi пра стасункi з блiзкiмi цi нават просяць парады. I Адэля нiколi не забывае адказваць сваiм чытачам, — расказала пiсьменнiца Наталля Бучынская.

Дарэчы, у новым сезоне аб'ём лiтаратурна-драматычнага вяшчання для дзяцей на канале «Культура» пашырыўся. Рубрыка «Чароўны куфэрак» цяпер гучыць чатыры разы на тыдзень — з аўторка да пятнiцы. А праект «Дасцiпныя. Нястомныя. Кемлiвыя» выходзiць у 16.05 i паўтараецца зранку ў 10.05. I што важна, на сайце radiokultura.by захоўваюцца выпускi праграмы за апошнi месяц, таму ўсе зацiкаўленыя могуць паслухаць пачатак гiсторыi.

Алена ДРАПКО

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.