Вы тут

Кола інтарэсаў Беларусі і Кітая становіцца больш шырокім з кожным годам


Аб гэтым ішла гаворка падчас сутрэчы старшыні Пастаяннай камісіі па міжнародных справах і нацыянальнай бяспецы Сяргея Рахманава з дэлегацыяй Шанхайскага камітэта Народнага палітычнага кансультатыўнага савета Кітая, якая прайшла ў Савеце Рэспублікі.


Адносіны паміж дзвюма краінамі развіваюцца вельмі інтэнсіўна і дынамічна, і гэта звязана не толькі з развіццём гандлёва-эканомічных стасункаў: мы аднолькава глядзім на праблемы, якія існуюць сёння ў свеце. Сітуацыя змяняецца, многія праблемы, звязаныя з канфліктамі, бяспекай, трэба вырашаць разам, лічыць Сяргей Рахманаў. І нягледзячы на розніцу ў памерах дзвюх дзяржаў, кожная з'яўляецца лідарам: Кітай — у свеце, Беларусь — у сваім рэгіёне. Менавіта наша краіна стала свайго роду жамчужынай на шляху рэалізацыі глабальнай ініцыятывы «Адзін пояс. Адзін шлях». Таму разам з палітычным дыялогам трэба ўмацоўваць тэхналагічнае супрацоўніцтва, упэўнены сенатар.

Сёння Кітай дэманструе пад'ём па вядучых перадавых тэхналогіях, Беларусь таксама мае сур'ёзныя напрацоўкі па розных кірунках (у ІТ-сферы, прыборабудаванні, вытворчасці мінеральных угнаенняў і іншых) і мае шмат прапаноў для сумеснай рэалізацыі.

Кіраўнік дэлегацыі, намеснік старшыні Шанхайскага камітэта Народнага палітычнага кансультатыўнага савета Кітая Сюй Ібо выказаў згоду з салідарным пунктам погляду на многія праблемы. «Самае галоўнае ў палітычным аспекце тое, што мы аднолькава глядзім на глабальныя праблемы, — упэўнены ён. — Усебаковае стратэгічнае партнёрства з кожным днём напаўняецца ў больш практычным сэнсе. І калі паглядзець у гістарычнай рэтраспектыве, сёння мы знаходзімся ў найлепшым перыядзе нашых адносін».

Кіраўнік дэлегацыі падкрэсліў, што Беларусь стала адной з першых краін, якія падтрымалі рэалізацыю глабальнай ініцыятывы Кітая «Адзін пояс. Адзін шлях».

— Для нас важна, каб яе рэалізацыя насычалася рознабаковымі праектамі, якія былі б карысныя для ўсіх краін-удзельніц, — падкрэсліў Сюй Ібо.

Ён пагадзіўся, што нашым краінам неабходна ў далейшым развіваць адносіны не толькі ў сферы палітыкі і эканомікі, але і паглыбляць сувязі і больш актыўна супрацоўнічаць па розных кірунках: ад ІТ да турызму і культуры.

Вольга АНУФРЫЕВА

Выбар рэдакцыі

Грамадства

Без памылак нельга рухацца наперад, або Чаму попыт i прапанова пакуль не заўсёды супадаюць

Без памылак нельга рухацца наперад, або Чаму попыт i прапанова пакуль не заўсёды супадаюць

Давайце разам прыгадаем свае першыя крокi ў школе. Што кажа дзецям настаўнiк?

Спорт

Кiнуць выклiк лёсу. Чым жыве паралiмпiйскi спорт у Беларусi

Кiнуць выклiк лёсу. Чым жыве паралiмпiйскi спорт у Беларусi

Як беларусы рыхтуюцца да галоўных стартаў i як развiваецца паралiмпiйскi рух.

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў.