Вы тут

Сёння ў Мінску адкрываецца кінафестываль «Лістапад»


Абодва папярэднія фільмы Крысціны Грозевай і Петара Вылчанава — «Урок» і «Слава» — удзельнічалі ў конкурснай праграме Мінскага міжнароднага кінафестывалю, і абодва атрымалі важкія ўзнагароды. Першы быў удастоены «Золата Лістапада», другі — Прыза глядацкіх сімпатый. Трэцяй сумеснай работай балгарскіх рэжысёраў «Бацька», між іншым, лаўрэатам Міжнароднага кінафестывалю ў Карлавых Варах, сёння ў сталіцы адкрыецца кінафестываль «Лістапад». Першыя кінапаказы, урачыстая цырымонія адкрыцця і сімвалічна разбітая аб штатыў кінакамеры талерка — тыдзень добрага кіно пачынаецца.


Больш за 150 фільмаў, шэсць конкурсных праграм, каля пяцідзесяці краін вытворчасці з дэбютам на «Лістападзе» карцін з Судана і Сенегала — першыя паказы кінафестывалю пачынаюцца ўжо сёння, прычым на некаторыя з іх, як на «Дзяржаўнае пахаванне» Сяргея Лазніцы, квіткі раскупленыя праз некалькі дзён пасля старту продажу.

Не знойдзеш білетаў і на фільм адкрыцця «Бацька», які на афіцыйнай цырымоніі адкрыцця кінафестывалю ў кінатэатры «Масква» будзе прызначаны сведчыць аб пачатку кінатыдня. Па традыцыі на ўрачыстасці апроч іншага ўручаецца прыз Прэзідэнта «За захаванне і развіццё традыцый духоўнасці ў кінамастацтве», у чым галоўны сакрэт цырымоніі, і ў знак таго, што «Лістапад» адкрыты — усё, паехалі, — на сцэне аб штатыў кінакамеры разбіваецца талерка.

З заўтрашняга дня на пляцоўках кінафестывалю — усяго да падзеі іх далучылася шэсць — пачнецца дэманстрацыя конкурсных праграм, якія паралельна з гледачамі будуць ацэньваць міжнародныя саставы журы. «Лістапад» — гэта шэсць конкурсаў ігравога і дакументальнага кіно, асобна — беларускіх фільмаў, карцін для дзіцячай і юнацкай аўдыторыі, работ студэнтаў вядомых і малавядомых кінашкол. Беларускія стужкі апроч Нацыянальнага конкурсу сёлета трапілі таксама ў Асноўны конкурс дакументальнага кіно і ў пазаконкурсную секцыю «Спецыяльныя паказы».

Галоўнай асаблівасцю паказаў у рамках фестывалю, хоць і не кожнага з іх, з'яўляецца магчымасць у фармаце Q&А абмеркаваць убачанае з іх аўтарамі — гэтым разам фестываль сустракае больш за сто дваццаць гасцей, сярод якіх рэжысёры конкурсных карцін.

«Лістапад», які ў сваё дваццаць шостае выданне з адсылкай да Інгмара Бергмана праходзіць пад слоганам «Да радасці», акрэдытаваны Міжнароднай федэрацыяй асацыяцый кінапрадзюсараў FІАРF і мае адмысловую канцэпцыю — фокус на краінах былога сацыялістычнага лагера. Ужо трэці год на кінафестывалі будзе працаваць і журы FІРRЕSСІ — Міжнароднай федэрацыі кінакрытыкаў, якая ўручае свае ўзнагароды на такіх кінафестывалях, як Канскі альбо Берлінскі.

Прамежкавыя вынікі — конкурсу фільмаў для дзіцячай і юнацкай аўдыторыі «Лістападзік» і Конкурсу нацыянальных кінашкол — будуць падведзены ў найбліжэйшыя дні, але галоўныя пераможцы Мінскага міжнароднага кінафестывалю будуць названыя 8 лістапада на ўрачыстай цырымоніі закрыцця ў кінатэатры «Масква».

Вольга МІЦКЕВІЧ

Загаловак у газеце: Праз церні да радасці

Выбар рэдакцыі

Грамадства

Як пенсіянерка з Гомеля купіла набор каструль па цане патрыманай іншамаркі

Як пенсіянерка з Гомеля купіла набор каструль па цане патрыманай іншамаркі

Усё, як у казцы: прыгожая зала, музыка, пачастункі. Абаяльныя людзі распавядаюць аб правільным харчаванні і рэкламуюць свой тавар...

Грамадства

714 тысяч тон адходаў для перапрацоўкі сабралі летась беларусы

714 тысяч тон адходаў для перапрацоўкі сабралі летась беларусы

Гэта адходы шкла, паперы, пластыку, шын, батарэек, машыннага масла...

Грамадства

​Дзе прызначалі спатканні ў даваенным Мінску?

​Дзе прызначалі спатканні ў даваенным Мінску?

Атрымаць падказкі вам дапаможа экскурсія «Рамантыка мінскіх дворыкаў».