З 4 па 21 лістапада ў БДПУ будзе праходзіць міжнародны навуковы сімпозіум “Бесперапынная педагагічная адукацыя — гарант будучыні”, прымеркаваны да 105-годдзя ўніверсітэта. У яго рамках у вядучай педагагічнай ВНУ краіны пройдуць 14 міжнародных навукова-практычных канферэнцый.
У поле зроку навукоўцаў будуць пытанні падрыхтоўкі спецыялістаў дашкольнай, агульнай сярэдняй, спецыяльнай і інклюзіўнай адукацыі, мастацкага выхавання і дадатковай адукацыі, а таксама спецыялістаў сацыяльнай і псіхолага-педагагічнай падтрымкі. Акрамя таго, на сімпозіуме будзе абагульнены вопыт працы профільных класаў і груп педагагічнай накіраванасці, якія дзейнічаюць у Беларусі і за мяжой, вызначаны перспектывы педагагічнай прафілізацыі ва ўстановах агульнай сярэдняй адукацыі.
Удзельнікамі сімпозіума стануць звыш 1000 навукоўцаў з устаноў вышэйшай адукацыі і навукова-даследчых інстытутаў з 24 краін — Беларусі, Бельгіі, Балгарыі, Германіі, Ірана, Ірландыі, Італіі, Казахстана, Кітая, Латвіі, Лівіі, Літвы, Мексікі, Нідэрландаў, Польшчы, Расіі , Сінгапура, Славеніі, Таджыкістана, Туркменістана, Узбекістана, Украіны, Францыі і Швецыі. У канферэнцыі таксама прымуць удзел прадстаўнікі адміністрацый і педагагічныя работнікі ўстаноў агульнай сярэдняй адукацыі, у якіх адкрыты педагагічныя класы, навучэнцы педкласаў, спецыялісты аддзелаў і ўпраўленняў адукацыі, якія курыруюць арганізацыю профільнай педагагічнай падрыхтоўкі на III ступені агульнай сярэдняй адукацыі.
З праграмай сімпозіума можна пазнаёміцца па спасылцы.
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
