Вы тут

Ці будзе абмежаванне 50 км/г для аўто ў горадзе?


Нельга сказаць, што агучаная адносна нядаўна прапанова знізіць дазволеную хуткасць руху ў населеных пунктах краіны да 50 кіламетраў у гадзіну падзяліла грамадства на два лагеры. Але тэма актыўна дыскутуецца ў асяроддзі кіроўцаў. Выказваюцца розныя пункты погляду.


Сваёй кампетэнтнай думкай на гэты конт падзяліўся прадстаўнік ДАІ краіны ў час работы канферэнцыі па выніках «Еўрапейскага тыдня мабільнасці — 2019», прысвечанага стварэнню бяспечных пешых і веласіпедных маршрутаў у вялікіх і малых гарадах. Паводле слоў начальніка аддзела арганізацыі дарожнага руху і дарожнай інспекцыі УДАІ МУС Беларусі Дзмітрыя Навоя, у яго калег ёсць разуменне таго, што сёння зрабіць 50 км/г на той вулічна-дарожнай сетцы, якая ў асноўным склалася яшчэ пры Савецкім Саюзе, вельмі складана.

Нават калі ўявіць, што ў Мінску ў гадзіну пік дазволяць аўтамабілям рухацца з хуткасцю аж 100 км/г, рэальная сярэдняя хуткасць будзе ўсё роўна ў межах 12—18 кіламетраў у гадзіну. Пробкі, заторы, святлафоры... Цяпер рыхтуюцца прапановы па структурызацыі ў краіне вулічна-дарожнай сеткі, якія ўлічваюць усе абставіны і ўмовы руху. Мяркуецца на асобных дарогах і вуліцах дазволіць рухацца з хуткасцю 70, 50 і 30 кіламетраў у гадзіну. Там, дзе дазволяць 50 км/г, прыярытэт будзе за змешаным трафікам: гарадскім грамадскім транспартам, веласіпедамі. На трасах з абмежаваннем 30 км/г аўтамабіль будзе на апошнім месцы: прыярытэт — за веласіпедамі.

Дарэчы, на думку Дзмітрыя Навоя, узнікае шмат аб'ектыўных цяжкасцяў і праблем па арганізацыі правільнага веласіпеднага руху. Гэтая работа вядзецца з улікам найлепшага міжнароднага досведу — напрыклад, па стварэнні веласіпедных пераездаў цераз дарогі. Таксама запланаваны сустрэчы УДАІ МУС з прадстаўнікамі веласіпеднай супольнасці Мінска, іншых гарадоў. А на пытанне, ці будзе 50 кіламетраў у гадзіну, прадстаўнік ДАІ параіў пачакаць канчатковага рашэння.

Леанід Тугарын

Загаловак у газеце: 50 кіламетраў у гадзіну

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.