Вы тут

Наталля Качанава адкрыла басейн у Мінску


Новы спартыўны аб’ект носіць імя «Волат» і размешчаны па вуліцы Шабаны ў аднайменным мікрараёне. Басейн, створаны па тыпавому праекту, змяшчае дзве чашы — для дарослых і дзяцей. Кошт аздараўленчай «абноўкі» — пяць мільёнаў рублёў. Увядзенне ў эксплуатацыю басейна ў Шабанах працягвае шэраг падарункаў для жыхароў краіны да 7 лістапада. 


У цырымоніі пераразання чырвонай стужкі прынялі ўдзел, акрамя кіраўніка Адміністрацыі Прэзідэнта, старшыня Мінскага гарвыканкама Анатоль Сівак, кіраўнік адміністрацыі Заводскага раёна сталіцы Сяргей Масляк.

Пабудавалі басейн за 10 месяцаў з невялікім апярэджаннем тэрмінаў. Аднатыпны аб’ект ужо функцыянуе ў мікрараёне Брылевічы, а ў новым басейне ўлічаны недахопы папярэдніка.

«Заводскі раён — гэта адзін з буйных, дзе жывуць 234 тысячы чалавек. Канечне, тут павінна быць развіта інфраструктура. І мы бачым, што ў гэтым раёне шмат жылля пабудавана, пражывае вялікая колькасць людзей, але не было такога спартыўнага аб’екта. Калісьці, адкрываючы спартыўны комплекс «Мандарын» ( размешчаны ў Заводскім раёне. — Зв), кіраўнік краіны паставіў задачу — у горадзе Мінску пабудаваць як мага больш басейнаў, каб у людзей была магчымасць займацца спортам і проста прыйсці паплаваць,- сказала Наталля Качанава. — І я ўпэўнена, што аб’ект будзе карыстацца папулярнасцю ў жыхароў раёна. Тут усё зроблена для таго, каб чалавек мог прыйсці паплаваць і атрымаць ад гэтага задавальненне».

Паслугі басейна ўключаюць навучанне плаванню дзяцей і дарослых, аквааэробіку, аздараўленчае плаванне. Так, першыя дні працы кошт аднаразовага наведвання — 5,5 рублёў. Потым цана аднаго візіту ў басейн будзе складаць у залежнасці ад дня і часу ад 6 да 8 рублёў. Абанементы на плаванне будуць таннейшыя — ад 23 да 31 рубля за 4 заняткі.

Па словах Наталлі Качанавай, будаўніцтва басейнаў у горадзе будзе працягвацца. І аб’ект у Шабанах — прыклад таго, як гэта павінна адбывацца: за непрацяглы тэрмін і невялікія грошы.
Спартыўны аб’ект дапрацавалі адпаведнай інфраструктурай — паркоўкай, пад’язнымі шляхамі. Побач размясцілася зона адпачынку з трэнажорамі і пляцоўкай для воркаута.

Аднатыпны басейн у мікрараёне Брылевічы быў пабудаваны ў 2017, і перапынак у два гады мэр Мінска лічыць недарэчным. У год сталіца павінна атрымліваць 1-2 такія новыя водна-аздараўленчыя комплексы.

«Чаму я кажу 1-2, бо пытанне праектавання дзесьці трохі спазняецца, але мы гэты тэмп узмоцнім. Мы ўжо і школы робім з басейнамі», — паведаміў Анатоль Сівак.

Як прыклад, ён прывёў школу нумар 210 у Шабанах, у якой хутка пачнецца рэканструкцыя.

«Інвестыцыйная праграма, якая фінансуецца за кошт бюджэта горада, фактычна на 100 працэнтаў будзе ў наступным і ў бліжэйшыя гады скіравана на такія сацыяльныя аб’екты. У нас ёсць сур’ёзнае даручэнне па 20 дзіцячым садкам і 7 школам — гэта мы павінны зрабіць за 3 гады», — падкрэсліў старшыня Мінгарвыканкама.

Марыя ДАДАЛКА

Фота БЕЛТА

Выбар рэдакцыі

Эканоміка

Усё, што трэба ведаць пра змены ў Жыллёвым кодэксе

Усё, што трэба ведаць пра змены ў Жыллёвым кодэксе

Мы паспрабавалі адшукаць самыя вострыя вуглы новаўвядзенняў і ўявіць, як будзе працаваць гэты дакумент пачынаючы з 2020 года.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Як запрасіць чалавека, каб ён не прыйшоў, і знойдзены кашалёк.

Грамадства

Як пенсіянерка з Гомеля купіла набор каструль па цане патрыманай іншамаркі

Як пенсіянерка з Гомеля купіла набор каструль па цане патрыманай іншамаркі

Усё, як у казцы: прыгожая зала, музыка, пачастункі. Абаяльныя людзі распавядаюць аб правільным харчаванні і рэкламуюць свой тавар...

Грамадства

714 тысяч тон адходаў для перапрацоўкі сабралі летась беларусы

714 тысяч тон адходаў для перапрацоўкі сабралі летась беларусы

Гэта адходы шкла, паперы, пластыку, шын, батарэек, машыннага масла...