02 снежня, серада

Вы тут

Рэсурсны цэнтр машынабудаўнічага профілю з'явіўся ў Оршы


У Аршанскім дзяржаўным механіка-эканамічным каледжы пачаў працаваць рэсурсны цэнтр машынабудаўнічага профілю.


Тут можна атрымаць прэстыжныя і запатрабаваныя на рынку працы спецыяльнасці, а таксама павысіць кваліфікацыю тым, хто ўжо працуе і выкладае. Дарэчы, на сённяшні дзень у Віцебскай вобласці аналагаў гэтай адукацыйнай установе няма. А сярод такіх жа ў краіне гэты рэсурсны цэнтр па тэхнічным забеспячэнні адзін з найлепшых.

У рэсурсным цэнтры, які стаў сапраўдным падарункам для рэгіёна, ёсць лабараторны корпус, механічныя майстэрні фрэзернай і такарнай апрацоўкі матэрыялаў на малагабарытных станках з праграмным кіраваннем. Таксама абсталявалі майстэрню фрэзернай і такарнай апрацоўкі матэрыялаў на прамысловых станках. Лабараторыі і майстэрні аснашчаны сучасным вучэбным абсталяваннем як айчыннай, так і замежнай вытворчасці.

Старшыня Віцебскага аблвыканкама Мікалай Шарснёў, звяртаючыся падчас урачыстага адкрыцця цэнтра да выкладчыкаў і навучэнцаў механіка-эканамічнага каледжа, падкрэсліў, што на вытворчасці высокакласныя спецыялісты заўсёды ў дэфіцыце. Напрыклад, аператары станкоў з лічбавым кіраваннем. І менавіта ў такіх цэнтрах можна атрымаць веды і навыкі, якія будуць заўсёды высока ацэньвацца. Адпаведна, гэта гарантуе добрую зарплату і перспектыву росту ў прафесійным плане. І на Аршаншчыне падчас мадэрнізацыі вытворчасці такіх працоўных месцаў становіцца ўсё больш.

Міністр адукацыі Ігар Карпенка адзначыў, што такія ўстановы дазваляюць рыхтаваць спецыялістаў, якія адпавядаюць патрэбам часу. Кіраўнік ведамства выказаў упэўненасць, што «начынне» цэнтра самае перадавое. І цяпер трэнд - арганізацыя навучання ва ўстановах, дзе магчыма стаць майстрам сваёй справы яшчэ да пачатку працы.

Гасцям паказалі аўдыторыі, майстэрні і лабараторыі. Цікава, што яны і да паслуг прадстаўнікоў іншых устаноў адукацыі, у тым ліку і ўніверсітэтаў, у тым ліку з Гомельскай і Магілёўскай абласцей.

Аляксандр ПУКШАНСКІ

Фота БЕЛТА

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.