Беларуска-чарнагорскі бізнес-форум пройдзе ў Мінску 19 лістапада

Беларуска-чарнагорскі бізнес-форум пройдзе ў Мінску 19 лістапада, паведамілі ў Беларускай гандлёва-прамысловай палаце.

Праграма мерапрыемства ўключае пленарную частку, прэзентацыі дзелавога клімату Беларусі і Чарнагорыі, а таксама двухбаковыя сустрэчы прадстаўнікоў бізнес-колаў.

У час форуму будуць разгледжаны перспектывы беларуска-чарнагорскага гандлёва-эканамічнага ўзаемадзеяння. Удзельнікі мерапрыемства атрымаюць магчымасць правесці перагаворы з прадстаўнікамі кампаній Чарнагорыі, зацікаўленых у супрацоўніцтве з беларускім бізнесам у сферах будаўніцтва і гандлю будаўнічымі матэрыяламі, транспартных паслуг, энергетыкі, металаапрацоўкі, дрэваапрацоўкі, мясной прамысловасці, турызму і гасцінічнага бізнесу, аўдыту і бухгалтарскага ўліку, кансалтынгу і іншых.

БелГПП запрашае прадстаўнікоў беларускіх прадпрыемстваў і арганізацый прыняць удзел у бізнес-форуме, для гэтага трэба зарэгістравацца на сайце гандлёва-прамысловай палаты да 18 лістапада.

Бізнес-форум праводзіцца Беларускай гандлёва-прамысловай палатай сумесна з Палатай эканомікі Чарнагорыі.