Вы тут

На «РТР-Беларусь» адкрываюць новую ранішнюю праграму


Добрая традыцыя ёсць у тэлевізійнікаў кожны сезон радаваць гледачоў свежанькімі праграмамі. Тэлеканал «РТР-Беларусь» — не выключэнне. Прачынацца і пачынаць дзень у добрай кампаніі запрашае праграма «Новая раніца».


— Новы сезон на тэлебачанні адзначыўся новымі праектамі. І мы, акрамя прэм'ер, поўнасцю абнавілі фармат ранішніх праграм. На РТР-Беларусь з'явілася «Новая раніца», і цяпер новы дзень гледачы тэлеканала будуць сустракаць у добрай кампаніі вядучых і цікавых гасцей, а таксама з карыснай інфармацыяй і парадамі, — расказала намеснік дырэктара дырэкцыі спецыяльных праектаў «Сталічнага тэлебачання» Ірына Перадня.

Сярод вядучых — многім вядомыя Антон Мартыненка, Юрый Цароў, Аляксандр Мяжэнны, Вольга Бурлакова, Юлія Шпілеўская і Саша Каштанава, але іх эфірныя дуэты цяпер будуць новымі. Акрамя гэтага, аўдыторыю чакаюць сустрэчы з гасцямі ў студыі і разнастайныя рубрыкі: «Ідэальны рамонт» з парадамі ад дызайнераў, «Лайфхакі для хатніх гаспадынь» з карыснай інфармацыяй для жанчын, «Аўтапарады» для кіроўцаў, а таксама гісторыі з каментарыямі псіхолага, гід па доглядзе знешнасці і многае іншае. Замежныя навіны, курсы валют, цэны на паліва, гараскоп і іншую патрэбную кожны дзень інфармацыю можна ўбачыць у «бягучым радку».


Бліц-апытанка для вядучай «Новай раніцы» Юліі Шпілеўскай:

З чаго пачынаецца ваша раніца? — Я не люблю мітусні. Мне важна, каб раніца пачыналася з любімых і звыклых рытуалаў. Абавязкова зарадка, а таксама шклянка вады з лімонам і мёдам. І яшчэ нікуды без сняданку, прычым варта рабіць гэта не спяшаючыся. А потым ужо можна бегчы па справах.

Новы дзень для мяне — гэта магчымасць... — Бываюць, безумоўна, і грандыёзныя планы, але перш за ўсё новы дзень — яшчэ адна мая магчымасць абняць сына, удыхнуць восень (зіму, лета) і зразумець штосьці важнае.

Мой сакрэт, як удала выглядаць у кадры... — Сакрэт на тое і сакрэт! Важна высыпацца, не захапляцца на ноч напоямі і не есці абы-што, але гэта, так бы мовіць, тэхнічны бок пытання. Аднак усё тое можа не спрацаваць, калі ўнутры цябе няма шчасця. Не важна нават, што менавіта робіць цябе шчаслівай, галоўнае — вынік заўсёды відавочны.

Уявіце, вы сталі госцем у «Новай раніцы». Пра што хочацца гаварыць з аўдыторыяй? — Мы з гасцямі звычайна гаворым пра іх дасягненні, але я не лічу сваім тое, што я «чалавек з экрана»... Таму, напэўна, хацела б весці размову пра выпадковасці і тыя шанцы, якія выпадаюць нам у жыцці, пра людзей, якіх сустракаем. Люблю пафіласофстваваць нават з раніцы.

Калі мяне пазнаюць на вуліцы, я... — Мяне вельмі рэдка пазнаюць, а калі такое здараецца, то я шчыра здзіўляюся. Бо не вяду багемны лад жыцця, люблю спартыўнае адзенне і шмат хаджу пешшу альбо спускаюся ў метро і раствараюся ў агульным патоку, а не выдзяляюся з яго. Але, бывае, пазнаюць па голасе, і атрымліваецца забаўна.

Алена ДРАПКО

Фота прадстаўлена ЗАТ «Сталічнае тэлебачанне»

Загаловак у газеце: Раніца на новы лад

Выбар рэдакцыі

Грамадства

«Звязда» дапамагла ліквідаваць стыхійную паркоўку ў Магілёве

«Звязда» дапамагла ліквідаваць стыхійную паркоўку ў Магілёве

Увагу на праблеме завастрыў старшыня вулічнага камітэта гэтай мікразоны Аляксандр Пікуля. 

Грамадства

Прамянёвая тэрапія: новыя магчымасці і рызыкі

Прамянёвая тэрапія: новыя магчымасці і рызыкі

 Прамянёвая тэрапія можа выкарыстоўвацца як у спалучэнні з хірургіяй і хіміятэрапіяй, так і як самастойны метад лячэння.

Калейдаскоп

Вясёлыя гісторыі чытачоў

Вясёлыя гісторыі чытачоў

Старэнькі «Запарожац» (цяпер такіх машын і не відаць ужо) старанна пыліў па дарозе...