Вы тут

Беларускіх жанчын запрашаюць адказаць на пытанні пра здароўе анлайн


Сацыялагічнае даследаванне, якое тычыцца інфармаванасці жанчын па пытаннях здароўя, стартавала ў Беларусі пры інфармацыйнай падтрымцы ПРААН, паведамілі БЕЛТА арганізатары.


Ананімнае анлайн-апытанне могуць прайсці жанчыны ва ўзросце ад 25 да 60 гадоў, якія пражываюць у буйных гарадах і невялікіх населеных пунктах краіны.

Кожны рэспандэнт атрымае кваліфікаваны адказ на любое цікавае яму пытанне пра здароўе. Адказ, падрыхтаваны профільным спецыялістам, вышлюць на адрас электроннай пошты, які пакіне ўдзельнік даследавання.

Паводле звестак Белстата, 78% беларусаў адной з галоўных жыццёвых каштоўнасцяў называюць здароўе. Пры гэтым медыкі канстатуюць, што рэальны клопат пра сваё здароўе для большасці беларускіх жанчын не ў ліку прыярытэтаў. Гэта датычыцца і здаровага ладу жыцця, і рэкамендуемых Міністэрствам аховы здароўя рэгулярных прафілактычных аглядаў у мамолага, гінеколага і іншых спецыялістаў.

Даследаванне "Актуальныя пытанні жаночага здароўя" дапаможа нагадаць жанчынам аб неабходнасці клапаціцца пра сябе. Яно тычыцца такіх кірункаў, як гінекалогія, эндакрыналогія, кардыялогія, анкалогія, эстэтычная медыцына, псіхатэрапія. Галоўная мэта апытання - выявіць, пра якія менавіта аспекты, якія тычацца здароўя, рэспандэнты менш інфармаваныя. Звесткі, атрыманыя па выніках даследавання, дапамогуць медыкам палепшыць сітуацыю ў гэтым плане.

Апытанне праводзіцца анлайн па 25 лістапада.

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.