Вы тут

Абласную алімпіяду па фінансавай пісьменнасці правядуць у Мінску 15 лістапада


Абласны этап рэспубліканскай алімпіяды па фінансавай пісьменнасці адбудзецца ў Мінскім абласным інстытуце развіцця адукацыі 15 лістапада, паведамілі БЕЛТА ў галоўным упраўленні па адукацыі Мінаблвыканкама.


У мерапрыемстве прымуць удзел 70 вучняў: па тры прадстаўнікі ад кожнага раёна вобласці і Жодзіна, а таксама школьнікі з іншых устаноў адукацыі абласнога падпарадкавання. Усяго ў адборы спаборнічалі больш за 4 тысячы вучняў 10-11 класаў з больш чым 390 устаноў адукацыі сталічнага рэгіёну.

Усім удзельнікам абласнога этапу трэба прайсці тэставанне па пытаннях, звязаных з валоданнем базавымі навыкамі па фінансавай пісьменнасці. Арганізатары алімпіяды пастараліся максімальна адлюстраваць у заданнях сітуацыі, з якімі вучні могуць сутыкнуцца ў звычайным жыцці. Традыцыйна ў алімпіядныя заданні будзе ўключана і пытанне адкрытага тыпу. Кожны ўдзельнік атрымае магчымасць праявіць ўзровень фінансавых ведаў і творчы падыход, выказаць пункт гледжання і прывесці свае аргументы.

Пераможцы абласнога этапу прымуць удзел у заключным (рэспубліканскім) этапе алімпіяды, які пройдзе ў Нацыянальным банку Беларусі 13 снежня. Па традыцыі з фіналістамі сустрэнуцца прадстаўнікі кіраўніцтва банка і Міністэрства адукацыі.

Прэв'ю: math.spb.ru

Выбар рэдакцыі

Грамадства

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Патрыяршы экзарх падзялiўся сваiмi думкамi пра асаблiвасцi i сапраўдную небяспеку сённяшняга часу.

Спорт

16-гадовая тэнiсiстка Дар'я Хамуцянская:  На корце сяброў няма

16-гадовая тэнiсiстка Дар'я Хамуцянская: На корце сяброў няма

У яе планах — стаць лепшай за Арыну Сабаленку.

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.