Прэзідэнт Балівіі Эва Маралес у нядзелю абвясціў, што ў краіне пройдуць новыя выбары кіраўніка дзяржавы, піша ТАСС.
"Я склікаю новыя выбары, каб шляхам галасавання балівійскі народ выбраў свой новы ўрад", - сказаў ён на прэс-канферэнцыі, якая трансліравалася ў сацыяльных сетках.
Па словах Маралеса, выбары правядзе новы састаў Вышэйшага выбарчага суда. "Я хачу, каб усе зрабілі так, каб напружанасць знізілася. Я прашу ўсіх гарантаваць мірнае суіснаванне", - дадаў ён.
Раней Арганізацыя амерыканскіх дзяржаў апублікавала даклад, у якім гаварылася, што "каманда аўдытараў не можа пацвердзіць вынікі выбараў і таму рэкамендуе правесці новыя".
Прэзідэнцкія выбары прайшлі ў рэспубліцы 20 кастрычніка. Паводле інфармацыі, якую апублікаваў Вышэйшы выбарчы суд, перамогу атрымаў дзеючы кіраўнік дзяржавы Эва Маралес. Яго асноўны супернік - экс-прэзідэнт Карлас Меса - заявіў, што не прызнае перамогу Маралеса ў першым туры. Пасля абвяшчэння вынікаў волевыяўлення ў Балівіі ўспыхнулі пратэсты і пачаліся забастоўкі. Маралес абвясціў рэжым надзвычайнага становішча і абвінаваціў апазіцыю ў спробе арганізаваць дзяржаўны пераварот.
Прэв'ю: ria.ru
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
