Вы тут

Дэпутаты прапануюць павялічыць дапамогу па беспрацоўі


У Палаце прадстаўнікоў адбылося першае пасяджэнне міжведамаснай рабочай групы па падрыхтоўцы законапраекта, які прадугледжвае змяненне Закона «Аб занятасці насельніцтва Рэспублікі Беларусь».


Праект змяненняў плануецца ўключыць у План падрыхтоўкі законапраектаў на 2020 год. Дэпутаты Пастаяннай камісіі Палаты прадстаўнікоў па працы і сацыяльных пытаннях з'яўляюцца ў гэтым выпадку суб'ектамі заканадаўчай ініцыятывы і працуюць разам з профільным міністэрствам. На пасяджэнні міжведамаснай рабочай групы былі абмеркаваны канцэптуальныя падыходы па ўсіх артыкулах закона, якія прапануецца змяніць.

— Гэта пытанні, якія датычацца павышэння дапамогі па беспрацоўі да памеру пражытачнага мінімуму, — патлумачыла журналістам старшыня парламенцкай камісіі Тамара Красоўская. — Прапануем змяніць паняційны апарат, падыходы да пераліку асоб, якія пры рэгістрацыі ў цэнтрах занятасці маюць патрэбу ў рэабілітацыі. Мы хочам, каб статус беспрацоўных мелі тыя, хто праходзіў лячэнне ў лячэбна-працоўных прафілакторыях Міністэрства ўнутраных спраў. Каб яны мелі тыя ж правы і гарантыі, што і астатнія беспрацоўныя.

Дэпутаты таксама прапануюць прапісаць у заканадаўстве магчымасць індывідуальнай рэабілітацыйнай праграмы для апошняй катэгорыяй грамадзян. Яшчэ адна прапанова — пашырэнне гарантый у сферы занятасці для сацыяльна ўразлівых катэгорый людзей, такіх як інваліды, шматдзетныя маці і іншыя.

Першы намеснік міністра працы і сацыяльнай абароны Андрэй Лабовіч расказаў пра асноўныя змяненні, якія дзяржаўны рэгулятар жадае ўбачыць у праекце закона са свайго боку:

  • фінансаванне расходаў па занятасці за кошт рэспубліканскага бюджэту (цяпер крыніца фінансавання — Фонд сацыяльнай абароны насельніцтва);
  • выключэнне пасад па сумяшчальніцтве з базы вакантных;
  • дапаўненне паняційнага апарату тэрмінамі «грамадзяне, якія звярнуліся па пытаннях працаўладкавання» і «бронь»;
  • рэгістрацыя грамадзян у якасці беспрацоўных па месцы знаходжання;
  • пашырэнне пераліку грамадзян, якім дзяржава дае дадатковыя гарантыі занятасці, за кошт асоб, якія завяршылі знаходжанне ў ЛПП, залежных ад псіхаактыўных рэчываў, якія праходзяць індывідуальныя праграмы сацыяльнай рэабілітацыі;
  • забеспячэнне права на атрыманне дапамогі па беспрацоўі людзям, у якіх знятая група інваліднасці (цяпер такой магчымасці няма);
  • павелічэнне памеру дапамогі па беспрацоўі ў раёнах з напружанай сітуацыяй на рынку працы і для беспрацоўных ва ўзросце больш за 50 гадоў;
  • змякчэнне ўмоў па даванні дзяржаўных гарантый у сферы занятасці для інвалідаў, грамадзян, якія вызвалены з месцаў пазбаўлення волі, залежных ад псіхаактыўных рэчываў (не знімаць з уліку ў выпадку невыканання ўмоў службы занятасці, пры гэтым не губляць іх з поля зроку, аказваць максімальнае садзейнічанне па сацыялізацыі);
  • захаванне на ўліку па беспрацоўі асоб, накіраваных на перанавучанне, да іх працаўладкавання;
  • удакладненне паняццяў «новае рабочае месца», «тэрыторыя з напружанай сітуацыяй на рынку працы», «маніторынг якасці аказання паслуг у галіне садзейнічання занятасці насельніцтва».

У большасці гэтыя прапановы супадаюць з тымі, якія ініцыююць дэпутаты.

«Думаю, што надышоў час перагледзець само паняцце «занятасць», зрабіць яго вызначэнне больш шырокім, больш сучасным, — дадала Тамара Красоўская. — Каб яно ахапіла нестандартныя віды работ, самазанятасць, грамадска карысную дзейнасць, догляд дзяцей». Адна з прапаноў дэпутатаў — замяніць паняцце «работнікі, якія знаходзяцца пад пагрозай звальнення» на больш агульнае паняцце «работнікі, якія знаходзяцца ў групе рызыкі звальнення»...

Наступны этап работы над законапраектам — разгляд профільным міністэрствам тых прапаноў дэпутатаў, якія адрозніваюцца ад сфармуляваных спецыялістамі ведамства.

Вольга Мядзведзева

Прэв'ю: 24.kz

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.