Праваахоўнікі Маскоўскага РУУС г. Мінска ўстанавілі асобу мужчыны, які ў дачыненні да двух жанчын выкарыстаў слёзатачывы газ, а ў трэцяй скраў мабільны тэлефон.
Інцыдэнт адбыўся ў мікрараёне "Малінаўка". На гарачую лінію 102 звярнулася жанчына і паведаміла, што да яе падышоў невядомы мужчына, пацікавіўся колькі часу, а пасля распыліў слёзатачывы газ і збег. Праваахоўнікі неадкладна выехалі на месца здарэння. Аператыўнікі ўстанавілі, што па шляху руху зламыснік сустрэў яшчэ двух жанчын, у адносінах да адной з якіх ён таксама прымяніў газавы балончык, а ў іншай выхапіў з рук мабільны тэлефон.
Супрацоўнікі міліцыі па гарачых слядах затрымалі мужчыну. Ім аказаўся 42-гадовы непрацуючы мінчанін. Устаноўлена, што на момант здзяйснення супрацьпраўных дзеянняў ён знаходзіўся ў стане алкагольнага ап’янення. У грамадзяніна быў знойдзены і канфіскаваны мабільны тэлефон, які належыць пацярпелай. Праваахоўнікам мужчына растлумачыў, што пацярпелая сама выкінула сотавы, а ён падняў яго, паведамілі ў аддзяленні інфармацыі і грамадскіх сувязяў УУС Мінгарвыканкама.
Вядома, што мінчанін раней прыцягваўся да крымінальнай адказнасці за забойства.
Сяргей РАСОЛЬКА
Прэв'ю: fresher.ru
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
