68 секундаў — столькі спатрэбілася самаму вядомаму ў свеце кітайскаму анлайн-рытэйлеру Alіbaba, каб пабіць уласны рэкорд па аб'ёмах анлайн-распродажу.
Яшчэ ў 2009 годзе кампанія абвясціла 11 лістапада, якое адзначаецца ў Кітаі як неафіцыйнае свята Дзень халасцяка, Сусветным днём шопінгу і прымеркавала да яго 24-гадзінны сусветны марафон продажу праз гіганцкую інтэрнэт-пляцоўку.
Сёлета свой першы мільярд долараў кампанія зарабіла ўжо за 68 секундаў пасля старту акцыі — гэта на 17 секундаў хутчэй, чым летась. Пікавая нагрузка дасягала 544 тысяч заказаў за секунду! Агульная ж выручка ад штогадовага фестывалю распродажаў склала 268 мільярдаў юаняў (38,4 мільярда долараў) супраць леташніх 213,5 мільярда юаняў (30,7 мільярда долараў). Удзел у маштабным шопінгу ўзяло каля 1 мільярда чалавек па ўсім свеце, ад уласна Кітая да Беларусі і Аргенціны.
Самым запатрабаваным таварам, паведамілі прадстаўнікі Alіbaba, сталі гаджэты, у тым ліку іPhone 11 Pro, і адзенне. Наогул, як адзначаюць фінансавыя аналітыкі Bloomberg, за сутачны марафон распродажу на анлайн-пляцоўках кампаніі прадаецца больш тавараў, чым падчас пяцідзённага распродажу ў ЗША з Дня Падзякі да кіберпанядзелка. І гэта нягледзячы нават на тое, што прыкладна палова выстаўленых на продаж тавараў прадавалася без зніжак, а каля чвэрці — нават па завышаных цэнах.
Вікторыя ЗАХАРАВА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
