Вы тут

На 20 чэрвеня 2020 года прымеркавана правядзенне фестывалю «Кніжныя сустрэчы ў Мірскім замку»


Фестываль, традыцыя правядзення якога пакладзена сёлета (кнігавыдаўцы і чытачы сустракаліся ў Міры 15 чэрвеня), праводзіўся на тэрыторыі старажытнага замка ўпершыню. Акцэнт быў зроблены на знаёмстве з асветніцкай, гістарычнай, краязнаўчай літаратурай. Удзельнічалі дзяржаўныя і прыватныя выдавецтвы, пісьменнікі з розных куткоў Беларусі. Праводзіліся прэзентацыі, аўтограф-сесіі, дыскусіі за круглым сталом і іншыя фестывальныя мерапрыемствы.


Міністэрства інфармацыі краіны, Карэліцкі райвыканкам (гарадскі пасёлак Мір знаходзіцца на тэрыторыі гэтай адміністрацыйнай адзінкі), Гродзенскі аблвыканкам рыхтуюць праграму фестывалю, які пройдзе ў 2020 годзе. І, зразумела, чакаюць у рэчышчы гэтай падзеі ініцыятыў ад беларускіх кнігавыдаўцоў, ад арганізатараў кніжнага гандлю розных формаў уласнасці.

З Мірам, Карэліччынай звязаны імёны многіх вядомых паэтаў і празаікаў Гродзеншчыны, Беларусі. Несумненна, фестываль «Кніжныя сустрэчы ў Мірскім замку» — і яскравая нагода ўспомніць пра народнага пісьменніка Беларусі Янку Брыля, славутага літаратуразнаўца Уладзіміра Калесніка, паэтаў Рамана Тармолу-Мірскага, Вольгу Іпатаву, публіцыстаў, мемуарыстаў, празаікаў Самуіла Маскевіча, Саламона Маймана, Яўгена Крамко, Уладзіміра Навумовіча, Анатоля Жука, Серафіма Андраюка...

— Мы з кнігай, кніжніцтвам сябруем здаўна, — дзеліцца сваімі развагамі дырэктар музея «Замкавы комплекс «Мір» Аляксандр Лойка. — І самі займаемся кнігавыдавецкай дзейнасцю. Удзельнічаем у кніжных выстаўках у Мінску і Вільнюсе. Музею ёсць што паказаць з асветніцкіх, гісторыка-краязнаўчых праектаў. І рады, што на пляцоўку комплексу «Мір» прызямліўся такі вось фестываль. Спадзяёмся, што ў час яго правядзення ў нас паболее гасцей, што пра музей пачнуць болей пісаць самі пісьменнікі, публіцысты. Ды і дзе як не ў старажытным, багатым на гісторыю месцы правесці дыскусіі, круглыя сталы, падзяліцца развагамі пра гістарычную літаратуру, увогуле пра ролю гісторыі ў выхаванні грамадства?!

Інфармацыйную падтрымку фестывалю забяспечваюць Сталічнае тэлебачанне, урадавая і парламенцкая газета «Звязда», штотыднёвік «Літаратура і мастацтва», часопіс «Маладосць», абласная газета «Гродзенская праўда» і карэліцкая раённая «Полымя».

Сяргей ШЫЧКО

Прэв'ю: en.belarus365.com

Загаловак у газеце: Кніга як галоўны персанаж асветніцтва

Выбар рэдакцыі

Эканоміка

У Мінску прадаецца больш за 10 тысяч кватэр

У Мінску прадаецца больш за 10 тысяч кватэр

На другасным рынку жыллё працягвае таннець (у глабальным плане без перапынкаў) ужо з верасня мінулага года.

Грамадства

Падмануць Альцгеймера. Як захаваць ясны розум да глыбокай старасці?

Падмануць Альцгеймера. Як захаваць ясны розум да глыбокай старасці?

Няўжо гэтую цяжкую хваробу так лёгка абвесці вакол пальца?

Калейдаскоп

Разбіраем модныя мастхэвы надыходзячага сезона: чым папоўніць гардэроб?

Разбіраем модныя мастхэвы надыходзячага сезона: чым папоўніць гардэроб?

Мода вясны — 2021 прапануе некалькі глабальных кірункаў: мінімалізм, унісекс і 1990-я.