Вы тут

Беларуская дэлегацыя адправіцца на дзіцячае "Еўрабачанне" 17 лістапада


Афіцыйная дэлегацыя Беларусі адправіцца на дзіцячы конкурс песні "Еўрабачанне-2019" у горад Глівіцы (Польшча) 17 лістапада. У яе складзе - Лізавета Міснікава, яе творчая каманда і прадстаўнікі Белтэлерадыёкампаніі, паведамілі БЕЛТА ў медыяхолдынгу. 


Фота: БЕЛТА

З сабой творчая каманда вязе прома-прадукцыю, у тым ліку паштоўкі, постары, бранзалеты, каляндар і зксклюзіўны пазл з выявай Лізаветы Міснікавай.

На сцэну Arena Gliwice выйдуць юныя таленты з 19 краін: Аўстраліі, Албаніі, Арменіі, Беларусі, Грузіі, Ірландыі, Іспаніі, Італіі, Казахстана, Мальты, Нідэрландаў, Партугаліі, Расіі, Паўночнай Македоніі, Сербіі, Украіны, Уэльса, Францыі і гаспадыні цяперашняга конкурсу - Польшчы. 

Цырымонія адкрыцця конкурсу адбудзецца 18 лістапада. Тады ж пасля жараб'ёўкі стане вядома, пад якім нумарам беларуская выканаўца выступіць у фінальным шоу 24 лістапада. Прамую трансляцыю грандыёзнага песеннага форуму ў 18.00 пачнуць тэлеканалы "Беларусь 1" і міжнародны спадарожнікавы "Беларусь 24", а таксама сайт Белтэлерадыёкампаніі. Каменціраваць шоу будзе журналіст АТН і вядучы "Беларусь 1" Яўген Перлін. 

У рабочым графіку нашай канкурсанткі - некалькі індывідуальных рэпетыцый, першая з якіх запланавана на 19 лістапада, другая - на 21-е. Серыя інтэрв'ю з Лізаветай будзе арганізавана ў гэтыя ж дні. Прэс-канферэнцыя для афіцыйных прадстаўнікоў усіх краін - удзельніц дзіцячага "Еўрабачання-2019" і генеральны прагон гала-канцэрта пройдуць напярэдадні фіналу - 23 лістапада. 

Даведвацца пра самыя цікавыя падзеі, што адбываюцца з нашай артысткай і яе камандай у час Еўратыдня, можна будзе з сюжэтаў АТН у выпусках "Навін" і падагульняючых інфармацыйна-аналітычных праграмах "Панарама" і "Галоўны эфір" на тэлеканале "Беларусь 1", у праграме "Раніца з Беларускім радыё" на Першым нацыянальным канале, а таксама ў сацыяльных сетках у групах "Еўрабачанне Беларусь". 

З 22 лістапада, у адпаведнасці з правіламі міжнароднага конкурсу, беларусы змогуць падтрымаць Лізавету Міснікаву, прагаласаваўшы за кампазіцыю "Пепельный" на афіцыйным сайце песеннага форуму. Пачынаючы з гэтага дня, можна будзе паглядзець відэаролікі з выступленнямі канкурсантаў і выбраць ад трох да пяці артыстаў, якія найбольш спадабаліся, у тым ліку ўдзельніка ад сваёй краіны. Акно для галасавання закрыецца непасрэдна перад канцэртам у нядзелю, 24 лістапада, і зноў адкрыецца, калі ўсе песні будуць выкананы, але толькі на 15 мінут. 

Арганізацыю і падрыхтоўку беларускага ўдзельніка да міжнароднага дзіцячага конкурсу песні "Еўрабачанне-2019", а таксама трансляцыю песеннага форуму ажыццяўляе Белтэлерадыёкампанія як адзіны ў нашай краіне член Еўрапейскага вяшчальнага саюза.

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.