Вы тут

У Брэсцкім раёне мужчына скраў 100 рублёў у хворага хроснага


Жыхар вёскі Яцкавічы Брэсцкага раёна прыйшоў у госці да аднавяскоўца, свайго хроснага бацькі. У мужчыны ёсць некаторыя праблемы са здароўем, таму хроснік перыядычна дапамагае яму, пасля чаго просіць грошы за паслугі.


На гэты раз гаспадар дома папрасіў памочніка схадзіць у краму за прадуктамі і даў яму трохі грошай. Вясковец выканаў просьбу, пасля чаго мужчыны селі вячэраць. Не абыйшлося і без спіртных напояў. Улавіўшы момант, калі гаспадар дома страціў пільнасць, “сваяк” прысвоіў 100 рублёў і пайшоў дадому.

Як паведамілі ва УУС Брэсцкага аблвыканкама, перад сном мужчына вырашыў пералічыць зберажэнні і выявіў нястачу, пра што паведаміў у міліцыю. Падазрэнне ў здзяйсненні крадзяжу пала на нядаўняга госця пацярпелага. Пасля затрымання 29-гадовы вясковец прызнаўся супрацоўнікам крымінальнага вышуку ў зробленым і распавёў, што 40 рублёў ужо паспеў выдаткаваць.

Сяргей РАСОЛЬКА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.