Вы тут

“Тэатральны куфар БДУ-2019” стартуе 19 лістапада


Урачыстае адкрыццё XVI Міжнароднага фестывалю студэнцкіх і маладзёжных тэатраў “Тэатральны куфар, БДУ-2019” адбудзецца 19 лістапада ў Ліцэі БДУ (вул. Ульянаўская, 8). Пачатак у 17.00.


Мерапрыемства распачнецца з перформансу артыстаў народнага студэнцкага тэатра БДУ “На балконе Іх выступленне перагукаецца з канцэпцыяй фестывалю  “Парушаем раўнавагу”. Арганізатары фэсту вырашылі адысці ад традыцыйных тэатральных жанраў і падрыхтавалі для гледачоў унікальныя пластычныя пастаноўкі.

Працягнецца цырымонія адкрыцця “Куфара” конкурсным спектаклем “Прабелы” тэатра танца “Адлюстраванне” з БДУІР. Праз танец артысты “раскажуць” пра  часовую пустату ў жыцці чалавека, якую ён спрабуе запоўніць сяброўствам, любоўю, лідарствам або мастацтвам.

Праграма “Тэатральнага куфара, БДУ-2019” уключае паказ 12 аматарскіх і прафесійных спектакляў. Дэманстрацыя пастановак пройдзе ў рамках васьмі тэматычных праектаў. Напрыклад, “Куфар-in-Motion” арыентаваны на стварэнне сцэнічнай выявы праз акцёрскую пластыку, эсты і эмоцыі. У рамках фестывалю пройдуць таксама тры майстар-класа прафесійных рэжысёраў і педагогаў. Ключавымі тэмамі стануць праца з гукам і аўдыёвізуальным матэрыялам падчас пастаноўкі спектакляў, а таксама выкарыстанне ў тэатральнай творчасці Юнгаўскай тэорыі архетыпаў.

Усяго ў пастаноўках будзе задзейнічана больш як 150 артыстаў з 9 краін.

Пераможцу “Тэатральнага куфара, БДУ-2019” па традыцыі вызначыць глядач. Прафесійную ацэнку дасць журы. Уваход на адкрыццё “Тэатральнага куфара” бясплатны.

Праграма фестывалю размешчана тут.

Надзея НІКАЛАЕВА

Прэв'ю: sarmatian91.livejournal.com

Выбар рэдакцыі

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.

Эканоміка

Чаму не варта спадзявацца на «шэрую» зарплату?

Чаму не варта спадзявацца на «шэрую» зарплату?

Будаўніку заплацілі менш, чым дамаўляліся вусна.

Культура

Галоўны рэдактар часопіса «Маладосць» распавядае пра новую стратэгію выдання

Галоўны рэдактар часопіса «Маладосць» распавядае пра новую стратэгію выдання

З пачаткам новай падпісной кампаніі ў «Маладосці» з'явіўся новы «прамоўшан»: цяпер гэта «больш чым часопіс».