Кіраўнік Цэнтрвыбаркама Лідзія Ярмошына прагназуе, што ўжо пасля 13:00 можна будзе казаць аб яўцы вышэй за 50% на выбарах дэпутатаў у Палату прадстаўнікоў Нацыянальнага сходу сёмага склікання. Пра гэта яна заявіла ў эфіры тэлеканала "Беларусь 1", перадае БелТА.
"Падача інфармацыі цяпер будзе запавольвацца з-за таго, што ўчастковыя камісіі пачынаюць працаваць ва ўзмоцненым рэжыме: выбаршчык актыўна пайшоў на ўчасткі. Таму мы і прэс-канферэнцыі праводзім на гадзіну пазней, - сказала Лідзія Ярмошына. - Думаю, ужо пасля гадзіны дня парадуем жыццесцвярджальнымі лічбамі. Магчыма, яны выйдуць ужо за 50%".
На дадзены момант парушэнняў у асноўны дзень галасавання не адзначана. "Я больш чым задаволена: пакуль у Цэнтральную камісію не паступае скаргаў. Гэта першыя выбары, калі ў 8 раніцы не было ніводнай скаргі ад нацыянальнага назіральніка, што яго не дапусцілі да назірання. Папракаць каго-небудзь у недэмакратычнасці, у тым, што ёсць перашкоды назіранню, проста несправядліва", - заключыла Лідзія Ярмошына.
Прэв'ю: БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.