Вы тут

Ляшэнка: Беларусь разлічвае на зніжэнне кошту расійскага газу ў 2020 годзе


Беларусь разлічвае на зніжэнне кошту расійскага газу ў 2020 годзе, паведаміў сёння падчас галасавання на выбарах у парламент журналістам намеснік прэм'ер-міністра Ігар Ляшэнка, паведамляе БЕЛТА.


Фота БЕЛТА

"Тут шматузроўневыя перамовы, кіраўнікамі дзяржаў было пазначана, якая павінна быць стратэгія - роўныя кошты на працягу двух гадоў. На наступны год мы разлічваем на зрух у бок зніжэння цэны, пра што і вядзем перамовы. Мы свае прапановы ўнеслі", - сказаў Ігар Ляшэнка . Паводле яго слоў, пакуль пацверджання аб зніжэнні цаны ў 2020 годзе няма.

Кажучы пра шанцы ўрэгулявання спрэчных пытанняў падчас маючага адбыцца пасяджэння Савета Міністраў Саюзнай дзяржавы, Ігар Ляшэнка адзначыў, што многія пытанні абмеркаваны. "Рэперныя кропкі, у чым былі спрэчкі, - будуць адбалансаваны на ўзроўні прэм'ер-міністраў. Гэта нармальны працэс", - дадаў ён.

Што тычыцца падрыхтоўкі дарожных карт па нафце і газе, то, паводле слоў Ігара Ляшэнка, гэтую працу ў большай ступені зараз кансалідуе Уладзімір Сямашка (пасол Беларусі ў Расіі. - Заўвага БЕЛТА), таксама працуюць Міністэрства энергетыкі і канцэрн "Белнафтахім". "Я бачу па матэрыялах, што расійскі бок імкнецца не ўсе нашы прапановы і дамоўленасці прама прызнаць і стварае нейкія вакольныя ўмовы. Мы хочам, каб было, як сказалі прэзідэнты - прымаем дарожныя карты і будуць вызначаныя ўмовы. Таму ідзе адпрацоўка пытанняў", - рэзюмаваў ён.

У 2019 годзе цана на газ для Беларусі складае $ 127 за 1 тыс. куб.м

Выбар рэдакцыі

Палітыка

Прэзідэнт сустрэўся з парламентарыямі шостага і сёмага склікання

Прэзідэнт сустрэўся з парламентарыямі шостага і сёмага склікання

Гэту прамову чакалі, пра яе шмат гаварылі і ўжо загадзя назвалі гістарычнай і праграмнай.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.

Культура

Галоўны рэдактар часопіса «Маладосць» распавядае пра новую стратэгію выдання

Галоўны рэдактар часопіса «Маладосць» распавядае пра новую стратэгію выдання

З пачаткам новай падпісной кампаніі ў «Маладосці» з'явіўся новы «прамоўшан»: цяпер гэта «больш чым часопіс».