У студзені-верасні 2019 года агульны аб'ём грашовых даходаў насельніцтва сталіцы склаў 19,2 млрд рублёў і ў параўнанні са студзенем-вераснем 2018 года павялічыўся на 14,8%. Пры гэтым рост спажывецкіх цэн на тавары і паслугі за гэты перыяд склаў 5,8%, паведамілі ў Галоўным статыстычным упраўленні Мінска, піша агенцтва "Мінск-Навіны".
Рэальныя наяўныя грашовыя даходы насельніцтва (грашовыя даходы за вылікам падаткаў, збораў і ўзносаў, скарэкціраваныя з улікам індэкса спажывецкіх цэн на тавары і паслугі) за 9 месяцаў 2019 года склалі 108,3% да ўзроўню студзеня-верасня 2018 года.
Грашовыя даходы мінчан у разліку на душу насельніцтва склалі 1 069,6 рубля ў месяц і павялічыліся ў параўнанні з аналагічным перыядам мінулага года на 14,3%. Такім чынам, гэты паказчык у 2,9 разы перавысіў мінімальны спажывецкі бюджэт, а бюджэт пражытачнага мінімуму - у 4,7 разы.
У агульным аб'ёме грашовых даходаў насельніцтва Мінска ў студзені-верасні 2019 года аплата працы займае 69,2%, даходы ад прадпрымальніцкай і іншай дзейнасці, якая прыносіць даход, - 7,9%, трансферты насельніцтву (пенсіі, дапамогі, стыпендыі і інш.) - 16,5%, даходы ад уласнасці (працэнты па дэпазітах, дывідэнды і інш.) - 3,8%, іншыя даходы - 2,6%.
Прэв'ю: kp.by
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
