23 верасня ў Вене двое мужчын каля 9:30 раніцы абрабавалі са зброяй ювелірную краму, яе ўладальнікам былі нанесены цялесныя пашкоджанні. Нападнікі дзейнічалі дзёрзка, зрабілі некалькі папераджальных стрэлаў, разбілі вітрыны і, выкраўшы ювелірныя вырабы, уцяклі на загадзя падрыхтаваным аўтамабілі. У цяперашні час аўстрыйскай паліцыяй у сувязі з дачыненнем да здзяйснення дадзенага злачынства адшукваецца грамадзянін Беларусі Ж., паведамляе МУС.
У ходзе мерапрыемстваў, праведзеных праваахоўнікамі Аўстрыі, Беларусі і Польшчы, стала вядома, што да здзяйснення дадзенага злачынства мае дачыненне яшчэ адзін наш суайчыннік, жыхар Гродзенскай вобласці. У выніку міжнароднай спецаперацыі ў ноч з 17 на 18 лістапада яго затрымалі ў Польшчы. Мужчына арыштаваны для экстрадыцыі ў Аўстрыю.
ГУБАЗіК МУС працягвае працу па зборы доказаў дачынення названых грамадзян да разбойнага нападу.
«У апошнія гады назіраецца тэндэнцыя выезду раней судзімых грамадзян Беларусі ў краіны Еўрасаюза для здзяйснення злачынстваў. Каб процідзейнічаць гэтай з'яве, наладжана цеснае ўзаемадзеянне з праваахоўнікамі замежных дзяржаў. Асабліва, гэта тычыцца працы па раскрыцці цяжкіх злачынстваў. Усе запыты старанна адпрацоўваюцца», - растлумачыў начальнік аддзела ГУБАЗіК МУС Аляксей Аксёнаў.
Прэв'ю: pinsknews.by
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
