Вы тут

Першы беларуска-малдаўскі маладзёжны форум праходзіць у Кішынёве


Ён аб'яднаў прадстаўнікоў студэнцкіх атрадаў, бізнесу і ўстаноў адукацыі дзвюх краін.


Мэтай мерапрыемства з'яўляецца наладжванне сумесных партнёрскіх кантактаў па шэрагу стратэгічных напрамкаў, такіх як рэалізацыя сацыяльна-гуманітарных праектаў, развіццё двухбаковага маладзёжнага прадпрымальніцтва, працаўладкаванне моладзі ў складзе студэнцкіх атрадаў на прадпрыемствах Малдовы.

Форум будзе доўжыцца чатыры дні: з 20 па 23 лістапада. Яго праграма ўключае работу секцый па наступных напрамках: "Праблемы і магчымасці для моладзі ў сучасным свеце", "Універсітэцкая праграма VS рэаліі сферы працы", "Магчымасці развіцця для маладых прадпрымальнікаў". Таксама запланавана правядзенне круглага стала на тэму "Роля моладзі ў сучасным свеце”, наведванне парламента Малдовы і рэзідэнцыі прэзідэнта. Завершыцца мерапрыемства падпісаннем пагадненняў, накіраваных на працяг развіцця выязнога студатрадаўскага руху.

Арганізатарамі форуму выступаюць Ліга моладзі Малдовы, Беларускі рэспубліканскі саюз моладзі, пасольства Беларусі ў Малдове, пасольства Малдовы ў Беларусі, Акадэмія эканамічных навук Малдовы ASEM.

Надзея НІКАЛАЕВА

Прэв'ю: mirtesen.leviy-bereg.ru

Выбар рэдакцыі

Культура

Галоўны рэдактар часопіса «Маладосць» распавядае пра новую стратэгію выдання

Галоўны рэдактар часопіса «Маладосць» распавядае пра новую стратэгію выдання

З пачаткам новай падпісной кампаніі ў «Маладосці» з'явіўся новы «прамоўшан»: цяпер гэта «больш чым часопіс».

Грамадства

Як «Чырвонка. Чырвоная змена» дае дарогу будучым журналістам

Як «Чырвонка. Чырвоная змена» дае дарогу будучым журналістам

Мы заўсёды чакаем найперш ініцыятыўных, здольных нешта прапанаваць. І такія маладыя людзі заўсёды будуць пачуты.

Культура

Апошні трэк-ліст Алега Молчана

Апошні трэк-ліст Алега Молчана

Сёння 40 дзён, як кампазітар пайшоў з жыцця.