Вы тут

У лютым наступнага года ў гандаль паступіць першы беларускі каньяк


А там, глядзіш, і да мясцовага віскі пару крокаў

Інфармацыя пра айчынны каньяк «пайшла ў народ» падчас правядзення другога Міжнароднага дэгустацыйнага конкурсу «Залаты келіх». Анансаваны на мерапрыемстве летась напой двухгадовай вытрымкі ўжо прайшоў экспертную дэгустацыю і досыць хутка паступіць у рознічны продаж.


На конкурсе амаль ва ўсіх намінацыях была прадстаўлена інавацыйная беларуская прадукцыя. Сярод яе ўзораў — айчынны гайст і фруктовая гарэлка. «Прарывам можна назваць вытворчасць айчыннага каньяку. Падкрэслю, што гэты напой у прамым сэнсе беларускі — сыравіна і тэхналогіі мясцовыя. Цыкл вытворчасці ад культывацыі вінаграднай лазы да разліву праходзіць у нашай краіне. Якасць беларускіх лікёра-гарэлачных вырабаў высока ацаніла экспертнае журы. У аснове гэтага ў тым ліку цеснае ўзаемадзеянне беларускай навукі і вытворцаў. Налета разлічваем здзівіць прафесійных дэгустатараў яшчэ адной навінкай — віскі прэміум-класа», — адзначыў начальнік аддзела тэхналогій алкагольнай і безалкагольнай прадукцыі НПЦ па харчаванні НАН Беларусі Аляксандр Пушкар.

Наш мясцовы каньяк мае тэрмін вытрымкі да трох гадоў, але захоўваюць яго не ў бочках. Ён настойваецца на дубовай дранцы. Тут ёсць свая рацыя: апошняя хутчэй аддае каньяку свой непаўторны вытанчаны смак. А бочак мы не робім, таму давялося б купляць іх за мяжой, і напой быў бы значна даражэйшы. Палескія вытворцы маюць 70 гектараў вінаграднікаў і ўласны яблыневы сад. Дарэчы, менавіта з яблыкаў тут робяць фруктовую гарэлку з французскай назвай кальвадос.

Міжнародны дэгустацыйны конкурс «Залаты келіх» праходзіць у Мінску другі раз. У ліку ўдзельнікаў — Беларусь, Італія, Кітай, Грузія і Малдова. Сярод прафесійных дэгустатараў быў нават пасол Ізраіля, якога прыемна здзівіла якасць нашай прадукцыі.

Сяргей КУРКАЧ

Прэв'ю: lastmen.ru

Прэв'ю: lastmen.ru

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.