Вы тут

У электрычцы Брэст — Баранавічы пасажыр пабіўся з касірам


І пагражаў нажом міліцыянеру.

Удзень у Жабінкаўскі РАУС паступіла паведамленне: у электрычцы Брэст — Баранавічы п'яны мужчына збівае білетнага касіра.


Канфлікт завязаўся пасля таго, як 45-гадовы пасажыр адмовіўся аплачваць праезд. Слоўная сварка скончылася бойкай, пасля якой безбілетнік выйшаў на станцыі Жабінка. Аператыўнікі Брэсцкага АУС на транспарце ўстанавілі асобу пасажыра і ўвечары таго ж дня прыехалі да яго дадому для ўдакладнення абставін таго, што адбылося.

Калі праваахоўнікі зайшлі ў кватэру, гаспадар пачаў іх абражаць, а затым схапіўся за кухонны нож. Сышчык дастаў табельную зброю і папярэдзіў пра намер яе выкарыстаць. Гэта спыніла мужчыну, ён раскаяўся ў зробленым і расказаў падрабязнасці таго, што адбылося ў цягніку. Цяпер праводзіцца праверка па факце гвалту альбо пагрозы яго прымянення ў дачыненні да службовай асобы, а таксама па факце гвалту альбо пагрозы яго прымянення ў дачыненні да супрацоўніка органаў унутраных спраў.

Вядома, што безбілетнік ужо трапляў у поле зроку супрацоўнікаў міліцыі і неаднаразова прыцягваўся да адміністрацыйнай адказнасці за дробны крадзеж, з'яўленне ў грамадскім месцы ў стане алкагольнага ап'янення і парушэнне ПДР.

Сяргей РАСОЛЬКА

Прэв'ю: vostok.today

Выбар рэдакцыі

Культура

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

У Гродне падчас святкавання Дня Незалежнасцi прадстаўлены габелен, якi выткалi спецыяльна да 75-годдзя Вялiкай Перамогi. 

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.