Вы тут

Кожнае дзясятае злачынства звязана са сферай высокіх тэхналогій


Гэтай восенню Беларусь захліснула хваля масавага махлярства з банкаўскімі карткамі. Сутнасць злачыннага працэсу простая. Адбываецца званок на мабільны тэлефон. Суразмоўца на тым канцы дрота прадстаўляецца супрацоўнікам банка. Ён кажа, што, маўляў, з грашыма на рахунках адбываюцца махлярскія дзеянні. Крок за крокам, выкарыстоўваючы метады ўваходжання ў давер, ён выцягвае асабістыя дадзеныя і рэквізіты, якія тычацца аперацый з карткай. Пры гэтым у трубцы ствараецца імітацыя працоўнай абстаноўкі кол-цэнтра банка. І пры гэтым не маніць наконт махлярства — як толькі вы расказалі ўсе звесткі і коды (якія нельга паведамляць нават супрацоўнікам банка, пра што агаворваецца падчас выдачы карткі), грошы тут жа з рахунку знікнуць. Гаворка часам можа ісці аб тысячах рублёў... 


Фота: mygazeta.com

— Імклівае ўкараненне камп’ютарных тэхналогій не засталося без увагі як асобных злачынцаў, так і арганізаваных крымінальных груповак, — зазначыў начальнік упраўлення па расследаванні злачынстваў супраць інфармацыйнай бяспекі і інтэлектуальнай уласнасці цэнтральнага апарата Следчага камітэта Беларусі Сяргей Гамко. — У тым ліку і тых, якія носяць транснацыянальны характар — у віртуальнай прасторы межы сціраюцца.

Адпаведна, кратна расце і колькасць кіберзлачынстваў. Калі летась за 10 месяцаў іх было зарэгістравана 3518, то сёлета за такі ж перыяд — ужо 7694.

— Кожнае дзясятае злачынства тычыцца сферы кіберпрасторы. Мы правялі спецыяльнае апытанне на тэму бяспекі ў камп’ютарнай галіне, — расказаў начальнік упраўлення па раскрыцці злачынстваў у сферы высокіх тэхналогій крымінальнай міліцыі МУС Беларусі Вадзім Усціновіч. — Кожны дзявяты чалавек карыстаецца інтэрнэт-банкінгам, але толькі кожны пяты з іх адчувае сябе ў бяспецы. Фінансавая абароненасць мае патрэбу ва ўдасканаленні. Здзіўляе даверлівае стаўленне людзей і спадзяванні, што менавіта іх непрыемнасці абыдуць бокам. Але ў інфармацыйную бяспеку трэба ўкладваць грошы. Асабліва калі гаворка ідзе пра юрыдычных асоб. Аб якой бяспецы можна казаць, калі бухгалтар сыходзіць дадому і пакідае ключ з электронна-лічбавым подпісам у камп’ютары? 

Сёлета за правапарушэнні ў сферы высокіх тэхналогій ужо адказалі перад законам 1185 чалавек, сярод іх 432 да таго ўжо мелі судзімасць у сваёй біяграфіі. Расце і лічба ўрону — агульная сума яго вырасла сёлета больш чым у пяць разоў амаль да 6 мільёнаў рублёў! А ўдалося кампенсаваць толькі 2/3 гэтай сумы. Варта зазначыць, што летась гэты паказчык не перавышаў 20%.

Раней спецыялісты расказалі аб правілах бяспекі, што тычацца пластыкавых картак.

"Рэкорд" скрадзеных сёлета грошай - амаль 515 тысяч беларускіх рублёў. Ён быў пастаўлены сёлета. Вадзім Усціновіч адзначыў, што ўсё адбылося з-за таго, што арганізацыя не выконвала захады інфармацыйнай бяспекі.

Начальнік упраўлення па раскрыцці злачынстваў у сферы высокіх тэхналогій ГУУС Мінгарвыканкама Андрэй Кавалёў расказаў пра гэты выпадак падрабязней:

- Галоўны бухгалтар паведаміла пра гэта штатнаму "айцішніку". Пад вечар ён сказаў дырэктару, што зрабіць ужо нічога не можа. Толькі а 18-й гадзіне пра гэта стала вядома міліцыі, мы пачалі прадпрымаць пэўныя захады. Паўночы мы ўзаемадзейнічалі з усімі банкамі і аплатнымі сістэмамі, каб заблакаваць грошы. Частку ўдалося вярнуць.

Валяр'ян ШКЛЕННІК

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.