Вы тут

Аляксандр Лукашэнка ў Бішкеку прыняў удзел у саміце АДКБ


Прэзідэнт Беларусі Аляксандр Лукашэнка ў сталіцы Кыргызстана прымае ўдзел у саміце Арганізацыі Дагавора аб калектыўнай бяспецы, піша БЕЛТА.


Кіраўнік беларускай дзяржавы прыбыў у кангрэс-хол дзяржаўнай рэзідэнцыі «Ала-Арча», дзе яго вітаў Прэзідэнт Кыргызстана Сааранбай Жээнбекаў. Знамянальна, што раніцай 28 лістапада перад пачаткам саміту лідары краін правялі ўжо асобную двухбаковую сустрэчу.

Аляксандр Лукашэнка на сесіі СКБ абазначыць пазіцыю і асноўныя прапановы беларускага боку па развіцці і ўмацаванні міжнароднай і рэгіянальнай бяспекі ў розных яе сегментах. Пытанні парадку дня спачатку будуць разгледжаны ў вузкім складзе, а затым у фармаце пленарнага пасяджэння з удзелам кіраўнікоў знешнепалітычных ведамстваў, міністэрстваў абароны, сакратароў саветаў бяспекі. Па выніках сесіі СКБ плануецца падпісаць шэраг дакументаў.

Як інфармуе сайт АДКБ, на парадку дня саміту — абмеркаванне праблем міжнароднай і рэгіянальнай бяспекі, пытанні ўмацавання таджыкска-афганскай граніцы, узаемадзеянне з ААН па рэалізацыі Глабальнай контртэрарыстычнай стратэгіі і каардынацыя знешнепалітычнай дзейнасці дзяржаў — членаў АДКБ, развіццё ваеннага патэнцыялу арганізацыі і ўдасканаленне механізмаў процідзеяння выклікам і пагрозам, у тым ліку ў сферы інфармацыйнай бяспекі, а таксама мерапрыемствы па святкаванні 75-годдзя Перамогі ў Вялікай Айчыннай вайне. 

Плануецца, што старшынства ў АДКБ на наступны міжсесіённы перыяд у 2019-2020 гадах пяройдзе Расіі. З 1 студзеня 2020 года пасаду генеральнага сакратара АДКБ зойме прадстаўнік Беларусі Станіслаў Зась, які цяпер з’яўляецца дзяржаўным сакратаром Савета бяспекі. Раней яго кандыдатура была падтрымана ўсімі членамі СКБ. 

Напярэдадні ў Бішкеку пад старшынствам кыргызскага боку прайшло сумеснае пасяджэнне Савета міністраў замежных спраў, Савета міністраў абароны і Камітэта сакратароў саветаў бяспекі АДКБ. Бакі абмеркавалі ваенна-палітычную абстаноўку ў рэгіёнах калектыўнай бяспекі АДКБ і дзейнасць Арганізацыі ў міжсесіённы перыяд. Быў адобраны парадак дня сесіі Савета калектыўнай бяспекі — больш за 20 пытанняў.


Прэзідэнт Беларусі на саміце АДКБ гаварыў аб мірных ініцыятывах і глабальных пагрозах

Прэзідэнт Беларусі Аляксандр Лукашэнка ў сваім выступленні на саміце Арганізацыі Дагавора аб калектыўнай бяспецы ў Бішкеку зрабіў акцэнт на мірных ініцыятывах і глабальных пагрозах бяспецы, перадае БЕЛТА.

Кіраўнік беларускай дзяржавы, у прыватнасці, выказаў заклапочанасць у сувязі з глабальным палітычным і эканамічным процістаяннем паміж вядучымі сусветнымі дзяржавамі.

Аляксандр Лукашэнка згадаў аб спыненні дзеяння Дагавора аб ракетах сярэдняй і меншай далёкасці. Таму Беларусь выступіла з прапановай прыняць шматбаковую палітычную Дэкларацыю адказных краін аб неразмяшчэнні ракет сярэдняй і меншай далёкасці ў Еўропе. 

Актуальнай застаецца і яшчэ адна беларуская ініцыятыва аб аднаўленні шырокага дыялогу па пытаннях міжнароднай бяспекі па аналогіі з Хельсінкскім працэсам і накіраванні яго на пераадоленне існуючых супярэчнасцей ва ўзаемаадносінах паміж дзяржавамі на агульнай прасторы ў Еўра-Атлантыцы і Еўразіі. 

Была адзначана і тэма ўсё большай колькасці групоўкі НАТА на заходніх рубяжах АДКБ і ў непасрэднай блізкасці ад граніц Беларусі. Хоць такая колькасць войскаў і не ўяўляе прамой ваеннай пагрозы, аднак мілітарызацыя рубяжоў вымушае выпрацоўваць адэкватныя меры ў адказ дыпламатычнага, інфармацыйнага і ваеннага характару. 

У цэлым падкрэслена неабходнасць пазбегнуць новай гонкі ўзбраенняў.

Адзначана тэндэнцыя росту пратэснага руху і масавых беспарадкаў у шэрагу краін, у тым ліку і стабільных. А рэгіянальныя ўзброеныя канфлікты застаюцца адной з асноўных крыніц палітычных, ваенных і тэрарыстычных пагроз, нелегальнай міграцыі, незаконнага транзіту зброі. 

У гэтым кантэксце Прэзідэнт згадаў і аб сітуацыі ва Украіне, на ўсходзе якой пяты год ужо прадаўжаецца ўзброенае процістаянне. Беларусь вітала прагрэс, які намеціўся ў пытаннях выканання мінскіх пагадненняў, і пачатак канструктыўнага дыялогу ў рамках трохбаковай кантактнай групы. 

Аляксандр Лукашэнка таксама выказаўся за ўмацаванне міжнароднага аўтарытэту АДКБ, пашырэнне яе ўзаемадзеяння з іншымі арганізацыямі. Гэтаму ў тым ліку можа паслужыць рэалізацыя прынятага па ініцыятыве Беларусі рашэння аб юрыдычным афармленні статусу «Партнёра» арганізацыі, а таксама «Наглядальніка» пры АДКБ. 

Асабліва падкрэслена, што сярод прыярытэтных напрамкаў дзейнасці АДКБ павінна трывала замацавацца забеспячэнне інфармацыйнай бяспекі. У гэтай частцы краіна прапануе сфарміраваць пояс лічбавага добрасуседства, накіраваны на разрадку напружанасці ў інфармацыйнай сферы, устанаўленне агульных правіл адказных паводзін бакоў у віртуальнай прасторы.


Лукашэнка бачыць у АДКБ патэнцыял для садзейнічання стабілізацыі сітуацыі ў свеце

«Вы вельмі правільна сказалі, бурны наш свет. Зразумела, што вы пад гэтым тэрмінам маеце на ўвазе. Таму, чым больш арганізацый, якія стрымліваюць гэты бурны паток, тым лепш. АДКБ — адна з сур'ёзных арганізацый, якая будзе спрыяць стабілізацыі сітуацыі ў свеце усялякімі метадамі. І інфармацыйнымі, і палітычнымі, і дыпламатычнымі, і ваеннымі», — заявіў кіраўнік дзяржавы.

Прадстаўнікі СМІ пацікавіліся думкай беларускага лідара, ці будзе АДКБ «як адзіны кулак, калі, не дай бог, ірване». «У кожнага свая зона адказнасці. Але калі ірване там, дзе ў нас сканцэнтраваны ўсе інтарэсы, значыць, мы будзем змагацца з гэтымi выбухамі разам. Гэта адназначна», — запэўніў Прэзідэнт.

Ён адзначыў, што лейтматывам на пасяджэнні ў Бішкеку быў тэзіс пра тое, што краіны арганізацыі павінны быць і самі бліжэй, і заяўляць на міжнароднай арэне, што будуць разам рэагаваць на тыя ці іншыя рэчы. «Ёсць "выбухі" лакальнага характару. Зона адказнасці, дапусцім, на заходнім напрамку, — гэта наша з Расіяй. У Цэнтральнай Азіі — цэнтральнаазіяцкіх (дзяржаў. — Заўвага. БЕЛТА) пры падтрымцы Расіі», - растлумачыў Аляксандр Лукашэнка.

Фота БЕЛТА

Выбар рэдакцыі

Грамадства

Прадпрымальнікі запусцілі сацыяльную ініцыятыву, каб сэканоміць сродкі бюджэту, але вымушаны за гэта плаціць

Прадпрымальнікі запусцілі сацыяльную ініцыятыву, каб сэканоміць сродкі бюджэту, але вымушаны за гэта плаціць

На ўпарадкаванне пасля прыклееных паперак выдаткоўваюцца велізарныя сродкі.