Вы тут

У Краснапольскай гімназіі можна навучыцца рабіць і праграмаваць робатаў


У Краснапольскай гімназіі кожны ахвотны можа прыйсці і навучыцца рабіць і праграмаваць робатаў.


Кожны раз калі прыязджаю на Краснапольшчыну, заўсёды знаходжу час для наведвання гімназіі, дзе вучылася. Завітала і цяпер і засталася на колькі гадзін. Ужо некалькі гадоў тут працуе гурток, куды кожны ахвотны можа прыйсці і навучыцца рабіць і праграмаваць робатаў.

Знаёмлюся з хлопцамі. «Грыша, Дзіма і Раман,» — прадставіліся яны. Запытала дазволу крышачку паназіраць за імі. Яны не супраць, але сур’ёзны позірк на мяне — і я разумею, што трэба быць цішэй, каб ім не перашкаджаць.

Шэптам Таццяна Іўчанка, завуч і адна з куратараў праекта, распавяла пра гісторыю стварэння майстэрні. Пачыналася ўсё са STEM-цэнтра, які пачаў сваю працу ў 2016 годзе. Спачатку асноўным напрамкам была экалогія — змагаліся з канадскім залатарнікам. Выдзялялі ДНК, даследавалі хімічны склад расліны. А цяпер яшчэ па суботах раз на тыдзень вучні збіраюць і праграмуюць робатаў. Нядаўна нават вучылі настаўнікаў выдзяляць ДНК і працаваць з электронным мікраскопам.

Грыша Мацуеў, Дзіма Дзянісенка і Раман Новікаў вырашылі паказаць вучням чацвёртага класа самыя простыя мадэлі робатаў і дазволілі крыху пагуляць з імі. У дзяцей адразу загарэліся вочы. «Расце дастойная змена старэйшым», — парадавалася я. І сыходзіла задаволеная і адначасова засмучаная. Хацелася стаць, як гэтыя чацвёртакласнікі, у якіх яшчэ ўсё наперадзе...

Таццяна Ткачова

Фота аўтара

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.