2 снежня на тэлеканале «Беларусь 3» стартуе аўтарскі праект Уладзіміра Арлова «Кіно маёй краіны», прымеркаваны да 95-годдзя айчыннага кінематографа. Вядомы рэжысёр і сцэнарыст будзе дзяліцца сваім бачаннем асноўных этапаў станаўлення беларускага кінамастацтва — ад вытокаў да сучаснасці.
Творчая дзейнасць Уладзіміра Арлова цесна пераплятаецца з нацыянальным кінематографам. Яму рэжысёр аддаў больш за 60 гадоў жыцця, зняўшы дзясяткі дакументальных, ігравых і музычных карцін, сярод якіх «Фантазія на тэму...», «А таксама цырк», «Варыяцыі на балетныя тэмы», «Лёгкі хлеб», «Пракляты ўтульны дом» і шэраг іншых.
У праграме «Кіно маёй краіны» Уладзімір Аляксандравіч, які ў свой час сябраваў і працаваў з многімі прызнанымі майстрамі савецкага і беларускага кінематографа, падзеліцца з гледачамі назіраннямі і разважаннямі прафесіянала, які ведае ўвесь працэс знутры, а таксама раскажа пра знакавыя падзеі і свае любімыя кінастужкі. Дададуць разнастайнасці яго аповедам паказы архіўных відэаматэрыялаў з фондаў Белтэлерадыёкампаніі і кінастудыі «Беларусьфільм». А пасля кожнага выпуску праграмы гледачам пакажуць адзін з найлепшых фільмаў таго перыяду, які будзе згаданы ў перадачы.
У першым выпуску размова пойдзе пра нараджэнне сусветнага кінематографа, пачынаючы з першых кароткаметражных стужак братоў Люм'ераў і да перыяду першых карцін на студыі «Белдзяржкіно», якая з часам ператварылася ў Нацыянальную кінастудыю «Беларусьфільм». Глядзіце 2 снежня ў 12.50 і 21.05 у эфіры тэлеканала «Беларусь 3».
Алена ДРАПКО
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
