Вы тут

На наступным тыдні зноў пахаладае


Сёння сіноптыкі абяцаюць самы цёплы дзень на гэтым тыдні. Максімальная тэмпература паветра будзе дасягаць у заходніх раёнах нашай краіны 8 градусаў з плюсам. Але анамальнае цяпло не пратрымаецца доўга. Ужо на выхадныя да нас зноў завітае не зусім спрыяльнае надвор'е з поўначы нашага кантынента, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У апошні дзень восені з акваторыі Балтыйскага мора на тэрыторыю нашай краіны чакаецца перамяшчэнне малаактыўных франтальных раздзелаў, услед за якімі пачнуць паступаць прахалодныя паветраныя масы паўночных шырот. Чакаецца воблачнае з праясненнямі надвор'е. На большай частцы тэрыторыі краіны — невялікія кароткачасовыя ападкі ў выглядзе дажджу, які будзе пераходзіць у мокры снег. Уначы і раніцай у асобных раёнах туман, слабы галалёд. Вецер заходні ўмераны, месцамі парывісты. Тэмпература паветра на працягу сутак ад мінус 1 градуса да плюс 5.

Першага снежня, як па замове зімы, зноў пахаладае. У гэты дзень наша тэрыторыя будзе знаходзіцца пад уплывам халодных няўстойлівых паветраных мас, якія паступаюць са Скандынавіі. Будзе воблачнае з праясненнямі надвор'е. У асобных раёнах краіны невялікі кароткачасовы снег. На некаторых участках дарог галалёдзіца. Вецер паўночна-заходні, заходні ўмераны, уначы парывісты. Тэмпература паветра ўначы будзе стабільна халодная: мінус 2 — мінус 6 градусаў, удзень трохі пацяплее, чакаецца ад мінус 4 градусаў да плюс 2 градусаў. На фоне паніжэння тэмпературы на дарогах будзе слізка.

Паводле папярэдніх прагнозаў айчынных сіноптыкаў, у панядзелак і аўторак, 2 і 3 снежня, месцамі па краіне чакаецца кароткачасовы снег, на асобных участках дарог — галалёдзіца. Тэмпература паветра ўначы будзе 1—7 марозу, пры праясненнях — да мінус 9 градусаў. Тэмпература ўдзень складзе ад мінус 4 да 2 градусаў з плюсам.

Сяргей КУРКАЧ

Прэв'ю: ysia.ru

Выбар рэдакцыі

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.

Эканоміка

Чаму не варта спадзявацца на «шэрую» зарплату?

Чаму не варта спадзявацца на «шэрую» зарплату?

Будаўніку заплацілі менш, чым дамаўляліся вусна.

Культура

Галоўны рэдактар часопіса «Маладосць» распавядае пра новую стратэгію выдання

Галоўны рэдактар часопіса «Маладосць» распавядае пра новую стратэгію выдання

З пачаткам новай падпісной кампаніі ў «Маладосці» з'явіўся новы «прамоўшан»: цяпер гэта «больш чым часопіс».